Biełaruska znajšła ŭ kramie redki płod, ale jaho nasieńnie znajomaje kožnamu
Dopis dziaŭčyny chutka vyklikaŭ ažyŭlenaje abmierkavańnie.
Biełaruska zaŭvažyła na palicy supiermarkieta niezvyčajny ekzatyčny frukt — płod kakavy. Takija pradukty redka sustrakajucca ŭ prodažy ŭ našych šyrotach, tamu pakupnica razhubiłasia i vyrašyła spytać u karystalnikaŭ Threads, jak jaho ŭvohule jaduć. Dopis chutka vyklikaŭ ažyŭlenaje abmierkavańnie, piša Onliner.by.
Na fota, jakoje žančyna apublikavała ŭ sacsietcy, vidać, što frukt pryviezieny z Ekvadora i pradajecca pa canie 51,99 rubla za kiłahram.
«Chto-niebudź viedaje, jak jeści śviežuju kakavu?» — pacikaviłasia jana ŭ padpisčykaŭ. Karystalniki patłumačyli, što płod kakavy — heta nie tolki krynica znajomaha ŭsim parašku.
Sam frukt vonkava nahadvaje vyciahnutuju dyniu i byvaje roznych koleraŭ.
Jaho razrazajuć uzdoŭž: unutry znachodziacca nasieńnie (kakava-baby) i želepadobnaja miakać. Mienavita miakać jaduć — jaje zvyčajna absmoktvajuć, jak cukierku abo jahadu, a kostački nie razhryzajuć.
Niekatoryja kamientatary padzialilisia asabistym dośviedam i raspaviali, jak z nasieńnia možna samastojna atrymać kakavu: ziarniaty treba pramyć, vysušyć i apracavać.
Pavodle słoŭ inšych udzielnikaŭ abmierkavańnia, smak miakaci kisła-sałodki i nahadvaje askarbinavuju kisłatu. U kamientaryjach taksama ŭdakładnili, što frukt byŭ zaŭvažany ŭ adnoj z kram «Jeŭraopt».
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram7
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary