U Žłobinie sud vyznačyŭ, što śviedka pa adnoj spravie davaŭ iłžyvyja pakazańni. U vyniku niadobrasumlennamu śviedku pryznačyli štraf u pamiery 1225 rubloŭ, paviedamlaje «Novy dzień».
U studzieni sud Žłobinskaha rajona razhladaŭ kryminalnuju spravu, raspačatuju suprać hramadzianina za niezakonny zvarot narkatyčnych srodkaŭ.
37-hadovy žychar Žłobinskaha rajona prachodziŭ śviedkam pa hetaj spravie i davaŭ pakazańni ŭ sudzie. Dla taho kab dapamahčy znajomamu paźbiehnuć adkaznaści, mužčyna pajšoŭ na parušeńnie zakona. Niekatoryja «hrachi» abvinavačanaha jon «źmiakčyŭ», pra niekatoryja i zusim ničoha nie skazaŭ.
Pa vynikach dopytu inšych śviedkaŭ, vyvučeńnia piśmovych materyjałaŭ spravy sud vyśvietliŭ, što viaskoviec daŭ iłžyvyja pakazańni.
Suprać da mužčyny raspačali kryminalnuju spravu. Niadaŭna byŭ sud, jaki pryznaŭ śviedku vinavatym u davańni zaviedama łžyvych pakazańniaŭ i pryznačyŭ jamu pakarańnie ŭ vyhladzie štrafu na sumu 1225 rubloŭ. Akramia hetaha, asudžany abaviazany prajści prymusovaje ambułatornaje lačeńnie ad ałkahalizmu.
Kamientary