Usialenski patryjarch Varfałamiej na sustrečy ŭ Stambule paviedamiŭ kiraŭniku Ruskaj pravasłaŭnaj carkvy patryjarchu Kiryłu, što źbirajecca dać Ukrainskaj pravasłaŭnaj carkvie aŭtakiefaliju.
Pra heta paviedamlaje ŭ Facebook pres-sakratar UPC KP archijepiskap Jaŭstracij (Zara).
«Pieršyja vieści ź pieramoŭ na Fanary: patryjarch Kirył nie dasiahnuŭ usiaho, dziela čaho jechaŭ», — piša jon.
Pa słovach Jaŭstracija, paśla sustrečy patryjarchaŭ da žurnalistaŭ vyjšaŭ mitrapalit Emanuił i raskazaŭ, što «my paviedamili patryjarchu (Kiryłu) pra rašeńnie pa pieraadoleńni raskołu va Ukrainie i nadańni aŭtakiefalii, jakoje implemientujecca».
«Paźniej čakajecca aficyjny tekst, tamu pierakaz moža być nie litaralnym. Ahułam vynik pieramoŭ dla Ukrainy daje padstavy dla strymanaha aptymizmu. Adnak nie varta zabyvać, što» djabał chavajecca ŭ detalach», — adznačyŭ Zara.
Pa słovach pradstaŭnika UPC KP, usie pradstaŭniki Maskoŭskaha patryjarchata byli razdražnionymi i napružanymi. Čakałasia, što hości zastanucca na abied, ale jany adrazu źjechali.
Kiraŭnik RPC patryjarch Kirył zajaviŭ, što sustreča z Usialenskim patryjarcham Varfałamiejem nie vyklikała «vybuchu ŭ śviadomaści», paviedamlaje sajt Maskoŭskaha patryjarchata.
Pa słovach Kiryła, na sustrečy byli abmierkavany «ŭsie prablemy, jakija stajać na paradku dnia», adnak detali razmovy Kirył nie raskryŭ.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu8
Kamientary