Łukašenka zajaviŭ, što ŭ Jeŭropie biada z praduktami i jość hatoŭnaść dapamahčy
«Kali ŭ Jeŭropie z praduktami biada ŭ suviazi z hetaj zasuchaj, treba patrochu ź imi supracoŭničać».
Alaksandr Łukašenka padčas rabočaj pajezdki ŭ Minski rajon vykazaŭsia za toje, kab «i ŭ ciapierašniaj niaprostaj situacyi» imknucca vybudoŭvać z zachodnimi susiedziami dziełavyja suviazi i supracoŭnictva, piša BiełTA.
«Treba nam supracoŭničać z susiedziami. I z palakami, i ź litoŭcami, łatyšami. U hetaj situacyi, kali ŭ Jeŭropie z praduktami biada ŭ suviazi z hetaj zasuchaj, treba patrochu ź imi supracoŭničać. Susiedzi jość susiedzi. Kali my nie tolki hladzim praz pryceł adzin na adnaho, ale i pačynajem ekanamična supracoŭničać, heta śviedčyć pra toje, što nam, mahčyma, i vajny ŭdasca paźbiehnuć», — skazaŭ jon.
Taksama Łukašenka prakamientavaŭ pratesty školnikaŭ u Francyi.
«My nie radujemsia, ja nie apładziruju tamu, što adbyvajecca ŭ Francyi, u adroźnieńnie ad našych žurnalistaŭ. Bo heta niedapuščalna. Heta toje samaje, što ŭ nas było (u 2020 hodzie), — palityki vykarystoŭvajuć dziaciej u palityčnych metach. Što tut dobraha? Viadoma, Makron žorstka spyniaje hetyja rečy, — adznačyŭ jon. — Adzinaje, u čym ich možna papraknuć: čamu ž, kali heta adbyvałasia ŭ nas, dla ich heta było dobra, a kali toje samaje adbyvajecca ŭ ich, heta ŭžo drenna? Razumiejecie — dvajnyja standarty».
Alaksandr Łukašenka padkreśliŭ, što niedapuščalna takim čynam vykarystoŭvać dziaciej u palityčnych metach.
«Nu što, jamu 12—15 hadoŭ. Čym ty niezadavoleny? Ty jašče žyć nie pačaŭ. Vidavočna, što palityki vykarystoŭvajuć ich u svaich metach. U sakaviku vybary ŭ Francyi. Dumaju, niešta supakoicca. Ale asabliva radavacca hetamu nie treba. Adzinaje, viadoma, im treba pakazvać palcam: chłopcy, a čaho vy radavalisia, kali ŭ nas vykarystoŭvali hetych dziaciej?» — dadaŭ jon.
Kamientary
Ale słuchačy ŭ Minskim rajonie, napeŭna, byli ŭražanyja, jak Baćka ruchaje hałaktykami.