Palityčny ahladalnik rasijskaha vydańnia «Kommiersant» Dźmitryj Dryzie ličyć, što Maskva nie choča abrańnia Łukašenki na čarhovych vybarach u 2020 hodzie.
Aŭtar upłyvovaha rasijskaha vydańnia «Kommiersant» piša, što ŭ apošnija dva tydni vakoł Biełarusi i asabista Alaksandra Łukašenki źjaviłasia šmat roznych čutak. Naprykład, što Łukašenka ŭžo nie toj, a ŭ ramkach apošniaj sustrečy z Pucinym u Sočy abmiarkoŭvaŭsia praces pieradačy ŭłady ŭ Biełarusi.
Dryzie źviartaje ŭvahu, što mienavita ŭ dni jaho vizitu byŭ uzhodnieny i pryznačany novy pasoł Rasii ŭ Biełarusi Michaił Babič — siłavik z reputacyjaj «jastraba». A pierad hetym Łukašenka žorstka krytykavaŭ Rasiju i nahaniaŭ žach na padnačalenych.
Ahladalnik papularnaha rasijskaha vydańnia miarkuje, što za 24 hady Maskva stamiłasia ad Łukašenki i davać hrošy dla jaho bolš nie žadaje:
— Mahčyma, jamu pastaŭleny žorstki ultymatum. I, miarkujučy pa ŭsim, Rasii nie vielmi padabajecca farmat pieradačy ŭłady ŭ spadčynu,
— piša Dryzie.
Ahladalnik miarkuje, što z-za hetaha Łukašenka niervujecca i svaimi apošnimi dziejańniami imkniecca pakazać padnačalenym, što nibyta trymaje situacyju pad kantrolem. Ale imavierna, što ŭładu daviadziecca ŭsio-taki addać, chaj navat farmalna, padsumoŭvaje «Kommiersant».
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary