Zajava Sojmu Partyi BNF
Zajava Sojmu Partyi BNF
Ciapierašniaje kiraŭnictva krainy, prychoŭvajučy sapraŭdnyja maštaby ekanamičnaha kryzysu, admaŭlajučysia rabić instytucyjnyja demakratyčnyja reformy, a tym samym dałučacca da mižnarodnych mechanizmaŭ stabilizacyi ekanomiki, paddałosia rasiejskamu šantažu j pajšło na čarhovuju zdradu biełaruskim nacyjanalnym intaresam. U vyniku rašeńnia pierajści na rasiejski rubiel u raźlikach za haz i naftu z Rasiejskaj Federacyjaj da 40% zamiežnaha handlu našaj krainy budzie absłuhoŭvacca rasiejskim rublom.
Biełaruskaja ekanomika stanovicca zakładnicaju niestabilnaści rasiejskaj valuty, jakaja nikoli nie naležała i nia budzie naležać da pułu ŭsiaśvietnych valutaŭ, a słužyć tolki instrumentam palityčnaha cisku Rasiei na enerhietyčna zaležnyja ad jaje krainy.
Pierachod adbyŭsia ŭ vyniku realizacyi rasiejcami scenara «nažyŭki». Biełaruskaja ekanomika pierachodzić na rasiejski rubiel u raźlikach uzamien za paabiacany miljardny kredyt, a staŭšy jašče bolš zaležnaj ad Rasiei, vymahaje dla vyžyvańnia nastupnaha kredytu – znoŭ ža ŭzamien za zdaču suverenitetu.
Partyja BNF patrabuje ad uładaŭ publičnaj spravazdačy i adkaznaści za ichnyja dziejańni, skiravanyja suprać dziaržaŭnaj biaśpieki našaj krainy. Patrabujem praviadzieńnia na dziaržaŭnych telekanałach kruhłaha stała z udziełam lideraŭ BNF, inšych demakratyčnych partyjaŭ, niezaležnych ekanamistaŭ, pryśviečanaha šlacham vyvadu krainy z ekanamičnaha kryzisu biez pahrozy dla jaje suverenitetu.
Niekatoryja eŭrapiejskija i biełaruskija palityki, jakija tłumačyli razvarot eŭrapiejskaj palityki stasoŭna Łukašenki nieabchodnaściu zrabić apošniaha abaroncam niezaležnaści Biełarusi, pavinny ŭśviedamić, što nielehitymnaja ŭłada nia moža abaranić ekanamičnuju i palityčnuju niezaležnaść Biełarusi ŭ kryzysnaj sytuacyi. Heta zmoža tolki svabodny narod.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary