Biełarusi niavyhadna nakiroŭvać ułasnyja hruzy ŭ łatvijski port Lijepaja, u adroźnieńnie ad litoŭskaj Kłajpiedy, zajaviŭ ministr kamunikacyj i transpartu Litvy Rokas Masiulis, paviedamlaje Delfi.
Jon adznačaje, što Kłajpiedski port šmat inviestuje i stvaraje dobryja ŭmovy dla pierakidvańnia hruzaŭ klijentaŭ.
«Z ekanamičnaha punktu hledžańnia ŭ biełarusaŭ, na maju dumku, niama pryčyn niešta mianiać. Bo my šmat inviestujem, palapšajem umovy ŭ svaim porcie. My dastatkova dobra razumiejem hruzavyja płyni, jakoha charaktaru jany iduć, starajemsia absłuhoŭvać tak, kab u ich nie było žadańnia iści inšym šlacham. My vierym, što našy ŭmovy najlepšyja i šmat nad hetym pracujem», — skazaŭ ministr.
Pavodle jaho słoŭ, praź Litvu pieravažna iduć biełaruskija ŭhnajeńni i naftapradukty.
Jon pryznaje, što kankurencyja Kłajpiedy z łatvijskimi partami zaŭsiody była vialikaj i asabliva vyrasła, kali skaraciŭsia abjom rasijskich hruzaŭ.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary