U pana Nieviaroŭskaha surjoznaja zadača: ažanić brata, pana Hraboŭskaha.
Jon razam z haściami kirujecca da jaho ŭ Plabań. Praŭda, zadača ŭskładniajecca tym, što pan Hraboŭski «zakaranieły» ŭ svaim babyloŭstvie, i słuchać nie žadaje ni pra jakija sardečnyja partyi.
Ale, zdajecca, pan Nieviaroŭski znajšoŭ vychad ź situacyi: u Zaleśsi pad Smarhońniu na vychavańni ŭ kniazioŭ Ahinskich jość čaroŭnaja panienka, dy i pasah za joj dajuć dobry.
Pan Hraboŭski zaintryhavany, jon hatovy pajechać pahladzieć na toje dziva. Ale pry umovie: kali panienka nie spadabajecca, Nieviaroŭski addaść jamu sto karoŭ. Ale čaho nie zrobiš dziela lubovi da brata…
Haściej sustrakaje pani Irena. Pakul moładź pryhladajecca adno da adnaho, hości z ekskursavodam vypraŭlajucca na špacyr pa Zaleskim parku. Usie radyja i ščaślivyja…
Ale raptam źjaŭlajucca carskija sałdaty. Časy niespakojnyja, jany vyšukvajuć smutu. Para nieaściarožnych replik z boku haściej — i pačynajecca kanflikt.
Pana Hraboŭskaha jak buntaŭnika aryštoŭvajuć, jamu pahražaje Sibir, kajdany. Hości iduć na kryminał, vyrašajuć adbić u sałdat słaŭnaha šlachcica.
Ale z hołymi rukami na štyki i kuli nie palezieš, usia kampanija kirujecca ŭ Kušlany da Bahuševiča pa dapamohu…
Tam hości majuć mahčymaść na šlachieckich chutarach ahledzieć dom, pabudavany jašče Franciškam Bahuševičam.
Praŭda, sustrakajuć haspadary nie duža vietliva, aścierahajucca pravakacyi. Tym nie mienš, pa aryjencirach, paznačanym maładym Bahuševičam, udajecca znajści schavanuju na Łysaj hary zbroju.
Hości z takim surjoznym arhumientam u rukach pieratvarajucca ŭ paŭstancaŭ i kidajucca ŭ pahoniu za carskimi žandarami.
Naša bryčka pranosicca praz Župrany, Ašmiany, Halšany… Nahnać palicejski patrul udajecca ŭ Rodzievičach pad Halšanami: u pana Rakickaha smačnyja nastojki, jakija zacikavili kapitana Rykava.
Kosy, piki, stralba z muškietaŭ, šturm majontka Rakickich - kulminacyja prahramy. Sałdaty, pabačyŭšy śmiełaść i bieskampramisnaść šlachty, vyrašajuć addać Hraboŭskaha pa-dobramu.
Śviatkujuć udałaje zaviaršeńnie kampanii ŭ domie Rakickich: zastolle, muzyka, šlachieckija pieśni, tosty. U dvary — majstar-kłas pa staradaŭnich tancach: krakaviak, padyspań, polka…
Dałučycca da šlachieckich pryhodaŭ možna, patelefanavaŭšy:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
Kamientary