Premjer-ministr Biełarusi Siarhiej Rumas siońnia na sustrečy z pasłom Rasii ŭ Biełarusi Michaiłam Babičam prapanavaŭ abmierkavać vykanańnie dasiahnutych kiraŭnikami dziaržaŭ u Sočy damoŭlenaściej, piša BiełTA.
«Treba prajścisia pa tych damoŭlenaściach, jakija byli pamiž kiraŭnikami našych dziaržaŭ u Sočy, pravieryć, jak jany vykonvajucca i jakoje ŭmiašalnictva patrebnaje dla taho, kab niejkija zruchi byli ŭžo da sustrečy kiraŭnikoŭ dziaržaŭ u piatnicu ŭ Mahilovie», — skazaŭ Siarhiej Rumas.
Michaił Babič zaŭvažyŭ, što abodva baki praviali vialikuju padrychtoŭku da sustrečy kiraŭnikoŭ dziaržaŭ u Sočy, jana prajšła vielmi kanstruktyŭna, pryniaty ceły šerah rašeńniaŭ — častkova jany byli ahučanyja, častkova buduć apublikavanyja dadatkova paśla sustrečy ŭ Mahilovie. «My z vami viedajem, što byli znojdzienyja nieabchodnyja raźviazki pa klučavych, samych vostrych pytańniach. Astatnija pytańni my ciapier u pracesie pahladzim, jakim čynam vyrašyć z maksimalnaj efiektyŭnaściu dla našych dziaržaŭ», - dadaŭ jon.
Siarhiej Rumas taksama pavinšavaŭ Michaiła Babiča z pryznačeńniem pasłom u Biełaruś. «Akramia taho, u vas jość novy status — śpiecpradstaŭnika prezidenta RF, i ja spadziajusia, što hety vysoki status dazvolić nam lepš razumieć adzin adnaho i zhładžvać tyja vostryja kuty, jakija, na žal, časam uźnikajuć u adnosinach pamiž našymi krainami», - skazaŭ kiraŭnik biełaruskaha ŭrada.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie13
Kamientary