Прэм'ер-міністр Беларусі Сяргей Румас сёння на сустрэчы з паслом Расіі ў Беларусі Міхаілам Бабічам прапанаваў абмеркаваць выкананне дасягнутых кіраўнікамі дзяржаў у Сочы дамоўленасцей, піша БелТА.
«Трэба прайсціся па тых дамоўленасцях, якія былі паміж кіраўнікамі нашых дзяржаў у Сочы, праверыць, як яны выконваюцца і якое ўмяшальніцтва патрэбнае для таго, каб нейкія зрухі былі ўжо да сустрэчы кіраўнікоў дзяржаў у пятніцу ў Магілёве», — сказаў Сяргей Румас.
Міхаіл Бабіч заўважыў, што абодва бакі правялі вялікую падрыхтоўку да сустрэчы кіраўнікоў дзяржаў у Сочы, яна прайшла вельмі канструктыўна, прыняты цэлы шэраг рашэнняў — часткова яны былі агучаныя, часткова будуць апублікаваныя дадаткова пасля сустрэчы ў Магілёве. «Мы з вамі ведаем, што былі знойдзеныя неабходныя развязкі па ключавых, самых вострых пытаннях. Астатнія пытанні мы цяпер у працэсе паглядзім, якім чынам вырашыць з максімальнай эфектыўнасцю для нашых дзяржаў», - дадаў ён.
Сяргей Румас таксама павіншаваў Міхаіла Бабіча з прызначэннем паслом у Беларусь. «Акрамя таго, у вас ёсць новы статус — спецпрадстаўніка прэзідэнта РФ, і я спадзяюся, што гэты высокі статус дазволіць нам лепш разумець адзін аднаго і згладжваць тыя вострыя куты, якія, на жаль, часам узнікаюць у адносінах паміж нашымі краінамі», - сказаў кіраўнік беларускага ўрада.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці47
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары