Na adnoj z budoŭlaŭ rabočyja ŭ maroz pracavali ŭ letnim abutku
Prakuratura Minska znajšła surjoznyja parušeńni achovy pracy na adnym z budaŭničych abjektaŭ stalicy. Padčas pravierki vyśvietliłasia, što niekatoryja budaŭniki pracavali na vulicy ŭ maroz u letnim tekstylnym abutku, jaki nie abaraniaŭ ni ad choładu, ni ad vilhaci, ni ad ślizkaj pavierchni.
Akramia taho, rabotniki paviedamili, što ŭ chałodny pieryjad im nie davalisia dadatkovyja pierapynki dla abahrevu na praciahu pracoŭnaha dnia. Heta supiarečyć sanitarna-epidemijałahičnym patrabavańniam, zhodna ź jakimi ludzi, što pracujuć u niespryjalnych tempieraturnych umovach, pavinny być zabiaśpiečanyja śpiecadzieńniem, achoŭnym abutkam i inšymi srodkami indyvidualnaj abarony.
Pravierka taksama pakazała, što na budaŭničym abjekcie adsutničali aptečki pieršaj dapamohi, ścieny bytavych pamiaškańniaŭ mieli defiekty i nie zabiaśpiečvali naležnaha ciepłavoha kamfortu. Instrumienty i materyjały zachoŭvalisia bieź śpiecyjalnych prystasavańniaŭ, što stvarała ryzyku ich padzieńnia i traŭmavańnia rabotnikaŭ.
U vyniku prakuror Zavodskaha rajona Minska vynies pradpisańnie kiraŭniku arhanizacyi z patrabavańniem terminova likvidavać vyjaŭlenyja niedachopy i pryciahnuć vinavatych słužbovych asob da dyscyplinarnaj adkaznaści.
Raźviedka ZŠA: Biełaruś stała pieradavym vajskovym płacdarmam Rasii24
Kamientary