Ad 13 kastryčnika ahulnanacyjanalnyja televizijnyja kanały va Ukrainie abaviazany 75% svajho efiru viaščać na ŭkrainskaj movie, miascovyja telekampanii — 60%.
Zaviaršyŭsia hadavy lhotny pieryjad dla televizijnikaŭ, na praciahu jakoha jany pavinny byli pavialičyć abjomy viaščańnia na dziaržaŭnaj movie, piša bbc.com.
Zakon ab moŭnych kvotach na telebačańni byŭ pryniaty Viarchoŭnaj Radaj u mai minułaha hoda.
Nacyjanalnaja rada pa pytańniach telebačańnia i radyjoviaščańnia zapeŭnivaje, što amal 100% usich prahram na ahulnanacyjanalnych i miascovych telekanałach užo vykonvajuć normy zakona.
U Danieckaj, Łuhanskaj, Charkaŭskaj abłaściach i Kijevie dola ŭkrainskaj movy na TV dasiahnuła 85—86%. Adeskaja vobłaść pakazała samy nizki siaredni faktyčny pakazčyk ukrainskaj movy na telebačańni — 59%, ukazvajecca ŭ spravazdačy Nacsavieta.
Pa vynikach pravierki była aštrafavanaja tolki adna telekampanija — STS u Sumach — u jakoj tydniovy abjom ukrainamoŭnych pieradač nie daciahnuŭ da 60% i skłaŭ 56%. Suma štrafu — 3442 hrn. (kala 285 rub. — NN).
100% ukrainskaj movy na telebačańni zafiksavana ŭ šaści abłaściach — Vałynskaj, Kiravahradskaj, Rovienskaj, Čarnihaŭskaj, Čarkaskaj, Chmialnickaj.
U toj ža čas ruskaja mova ŭ teleefiry hučyć u niemałych abjomach. Zakon praduhledžvaje, što ŭkrainskaja pavinna hučać usie vypuski navin. Filmy pavinny dublavacca abo mieć subtytry na ŭkrainskaj. Dziaržaŭnaj movaj pavinny havaryć viadučyja ŭsich teleprahram.
Ale ŭdzielniki prahram — ci to infarmacyjnych, ci to zabaŭlalnych — mohuć karystacca rasiejskaj. Na praktycy atrymlivajecca, što ruskaj movy chapaje i dalej u efiry, asabliva ŭ ruskamoŭnych rehijonach.
Kamientary