Na Paŭdniovym Zachadzie, Zachadzie i centry Minska siońnia pachnie haram. Akazałasia, što ciapier umovy nadvorja spryjajuć nazapašvańniu zabrudžvalnych rečyvaŭ u pryziemnym słoi atmaśfiernaha pavietra.
Jak prakamientavali TUT.BY u adździele analizu ekałahičnaj infarmacyi Biełhidramieta, skazać adnaznačna, čamu ŭ niekatorych rajonach Minska pachnie haram, nielha. Adnak babina leta — heta kłasičny pieryjad, kali adznačajecca pavyšany ŭzrovień zabrudžvańnia atmaśfiernaha pavietra.
— Na praciahu doŭhaha pieryjadu adsutničajuć apadki, nazirajecca słaby viecier, štyl, pavyšany tempieraturny režym, niecharakterny dla hetaha času hoda, — mieteaŭmovy spryjajuć nazapašvańniu zabrudžvalnych rečyvaŭ u pryziemnym słoi pavietra. Na padstavie dadzienych manitorynhu atmaśfiernaha pavietra raźličvajecca paramietr zabrudžvańnia, prymajecca pad uvahu prahnoz nadvorja na nastupnyja sutki i prymajecca rašeńnie, pieradavać papiaredžańnie pradpryjemstvam ci nie. Paramietr zabrudžvańnia atmaśfiernaha pavietra ŭ Minsku apošnimi dniami vyras u 1,5-2 razy. Pavieličeńnie kancentracyj adznačajecca ŭ asnoŭnym pa aksidzie azotu
Dla rehulavańnia vykidaŭ zabrudžvalnych rečyvaŭ bujnym pramysłovym i aŭtatranspartnym pradpryjemstvam Minska jašče ŭ čaćvier na minułym tydni Biełhidramiet nakiravaŭ papiaredžańni ab niespryjalnych mieteaŭmovach. Na pradpryjemstvach raspracavany pieralik mierapryjemstvaŭ, jakija treba vykanać, kab źnizić vykid zabrudžvalnych rečyvaŭ u atmaśfieru.
Jak raspaviali ŭ adździele analizu ekałahičnaj infarmacyi, z-za panižeńnia načnych tempieratur situacyju moža paharšać i toje, što ŭ pryvatnym siektary ŭ pryharadzie Minska damy aciaplajuć ćviordym palivam.
Kamientary