Rabotniki Administracyi prezidenta siońnia ŭ Minsku ŭziali ŭdzieł u respublikanskaj akcyi «Čysty les», piša BiełTA.
Jany vysadžvali drevy i kustarniki ŭzdoŭž staličnaha praśpiekta Pieramožcaŭ kala vadaschovišča na terytoryi bijałahičnaha zakaźnika «Lebiadziny». Heta japonskija vierby chakura nišyki i dzioran strakalisty, dadzienyja «Minskzielenbudam».
Kiraŭnik Administracyi prezidenta Natalla Kačanava adznačyła soniečnaje i suchoje nadvorje, što vydatna pasujuć dla pracy na śviežym pavietry.
«Nastroj vydatny. Siońnia ŭ krainie prachodzić cudoŭnaja akcyja «Čysty les». Vyrašyli, što ŭ horadzie šmat płoščaŭ, dzie treba pasadzić kustarniki, vysadzić drevy. Va ŭmovach burnaha raźvićcia haradoŭ hetaja praca vielmi važnaja, — skazała jana. — I dla nas vielmi važny ŭdzieł u hetaj akcyi, bo my nie tak šmat času ŭ svaim žyćci pryśviačajem fizičnaj pracy. Va ŭsich jość žadańnie zrabić niešta znakavaje jak dla siabie, tak i dla karyści hramadzian. Biełaruś — zialonaja, pryhožaja, dahledžanaja kraina. Naša zadača zaklučajecca ŭ tym, kab ŭkłaści maleńkuju čaścinku svajoj pracy ŭ toje, kab jana była takoj pryhožaj».
Pieršy namieśnik kiraŭnika Administracyi prezidenta Maksim Ryžankoŭ adkazvaŭ na pytańni žurnalistaŭ, nie adryvajučysia ad pracy. «Kali robiš niešta svaimi rukami, atrymlivaješ vielizarnaje zadavalnieńnie ad taho, što prynosiš karyść. Prajazdžajučy pa praśpiekcie, našy hramadzianie buduć hladzieć na vydatnuju aleju i radavacca, što naš horad zielanieje», - adznačyŭ jon.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary