Troje biełarusaŭ paciarpieli pry sutyknieńni ciahnika Minsk-Adler z hruzavikom ŭ Krasnadarskim krai, paviedamiŭ BIEŁTA načalnik upraŭleńnia infarmacyi i ličbavaj dypłamatyi — pres-sakratar Ministerstva zamiežnych spraŭ Anatol Hłaz.
«Pavodle papiaredniaj infarmacyi, troje hramadzian Biełarusi źviarnulisia pa miedycynskuju dapamohu. Situacyja ŭdakładniajecca pasolstvam Biełarusi ŭ Rasii», - skazaŭ Anatol Hłaz.
Jak paviedamili ŭ pres-centry BČ, siarod paciarpiełych biełarusaŭ adzin darosły i dvoje dziaciej. Miedycynskaja dapamoha była akazana na miescy, biez špitalizacyi, stan paciarpiełych zdavalniajučy. Pasažyry praciahnuli pajezdku da stancyi pryznačeńnia ŭ supravadžeńni miedycynskaha piersanału.
Kamientary