Šef-redaktar hazety «Narodnaja vola» Śviatłana Kalinkina nazvała paŭhadzinnuju pieradaču pra padziei ŭ Biełarusi na telekanale RTVi «nieefektyŭnym prajektam».
Šef-redaktar hazety «Narodnaja vola» Śviatłana Kalinkina nazvała paŭhadzinnuju pieradaču pra padziei ŭ Biełarusi na telekanale RTVi (naležyć rasiejskamu eks-aliharchu Husinskamu) «nieefektyŭnym prajektam». Na dumku Kalinkinaj, jakaja zaraz znachodzicca ŭ FRH u składzie delehacyi pradstaŭnikoŭ biełaruskaj apazycyi, «Na jaho prosta nia treba było marnavać hrošy».
«Čakać ad jaho (prajektu) addačy niemahčyma, tamu što jon nijakijam čynam nie vyrašaje našu hałoŭnuju prablemu infarmacyjnaj blakady,» – zajaviła Kalinkina ŭ adkaz na pytańni Niamieckaj chvali.
U svaich razvažańniach, jak moža vyhladać dapamoha biełaruskim demakratyčnym siłam z boku Eŭropy, u dačynieńni da mas-medyjaŭ, da alternatyŭnaha infarmavańnia biełaruskaha hramadztva, žurnalistka pierakananaja, što «musiać być pryniatyja i efektyŭna realizavanyja medyja-prajekty».
«Vielmi doŭhi čas była taktyka dapamahać patrochu ŭsim, albo ŭvohule nikomu nie dapamahać, kab nichto nie kryŭdavaŭ. My ŭsio-taki chočam, kab ad deklaracyi, ad pryznańnia taho, što infarmacyjny blok – heta vialikaja prablema, pierajšli da realnych prajektaŭ,» - adznačyła Kalinkina.
Kažučy pra jakaść zamiežnych tele- i radyjoprahramaŭ dla Biełarusi, jana vykazałasia na karyść taho, kab takija pieradačy rychtavalisia niepasredna biełaruskimi žurnalistami, jak heta, da prykładu, robicca ŭ ramkach «Biełaruskaj chroniki» «Niamieckaj chvali».
«… Davoli dziŭna, kali infarmujuć pra toje, što adbyvajecca ŭ Miensku, ludzi, jakija ŭvohule nikoli nie byli i nia viedajuć navat telefonaŭ viadučych palitykaŭ, analitykaŭ i hetak dalej. Staŭka maje rabicca mienavita na biełaruskich žurnalistaŭ,» - skazała Kalinkina.
-
Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
-
Ryžankoŭ spadziajecca na paciapleńnie adnosin z Polščaj
-
Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Kamientary