U Niepale raptoŭnaja pavodka źniesła da 40 damoŭ i niekalki mastoŭ VIDEA
Raptoŭnaja pavodka na race Budchi-Handaki razburyła pasieliščy i paškodziła budoŭlu hidraelektrastancyi. Ratavalniki evakujujuć ludziej viertalotami. Pryčynaj stychii moh stać apoŭzień, jaki pieraharadziŭ prytok raki.
Pavodka pačałasia ranicaj 11 kastryčnika ŭ rajonie Horkcha ŭ Niepale. Pavodle papiaredniaj acenki miascovych uładaŭ, patok źnios kala 40 damoŭ u troch pasieliščach, paviedamlaje The Kathmandu Post.
Čatyry čałavieki, jakija znachodzilisia ŭ pabudovie na bierazie raki ŭ Čumčecie, ličacca źnikłymi bieź viestak. Asobna paviedamlajecca pra stratu suviazi z hrupaj z čatyroch-piaci pastuchoŭ.
Flash floodwaters loaded with debris sweep into a village in Nepal https://t.co/QNEg4TIVOh
Niepalskija vajskoŭcy vyvieźli viertalotam šeść čałaviek z pasielišča Džahat, jakomu pahražajuć apoŭźni. Aficyjnych źviestak pra zahinułych ci paranienych pakul niama.
Imagine the sheer power of these flash floods
An entire camp building is swept away in seconds as floodwaters rage through Nepal https://t.co/4GhfRRcMA4
Vada źniščyła piešachodnyja i aŭtamabilnyja masty, u tym liku most pamiž rajonami Horkcha i Dchadynh. Na budoŭli hidraelektrastancyi patok źnios budaŭničy łahier častku abstalavańnia. Jašče ad 20 da 22 damoŭ u pasieliščy Salery zastajucca pad pahrozaj.
Pavodle Departamienta hidrałohii i mietearałohii, apoŭzień moh pierakryć adzin z prytokaŭ Budchi-Handaki. Paśla praryvu hetaj pieraškody vada mahła chłynuć uniz i vyklikać pavodku.
Ułady papiaredzili žycharoŭ nižej pa ciačeńni pra vielmi vysokuju ryzyku novych zatapleńniaŭ.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im13
Kamientary