Pra heta pasoł Ukrainy ŭ Biełarusi Ihar Kizim zajaviŭ u intervju tut.by, kamientujučy ŭviedzieny zakon ab vajennym stanoviščy.
Nahadajem, što z 9.00 ranicy zaŭtrašniaha dnia vajennaje stanovišča budzie ŭviedziena ŭ nastupnych abłaściach Ukrainy: Adeskaja, Vińnickaja, Łuhanskaja, Mikałajeŭskaja, Adeskaja, Sumskaja, Charkaŭskaja, Čarnihaŭskaja, Chiersonskaja, Danieckaja i Zaparožskaja, a taksama va ŭnutranych vodach Azova-Kierčanskaha praliva.
— Usie kažuć pra vajennaje stanovišča tak, byccam abjaŭlajecca vajna inšaj dziaržavie. Heta nie tak i pra heta ŭžo było skazana, - kaža Ihar Kizim.
— Vajennaje stanovišča, chutčej za ŭsio, tyčycca pytańniaŭ kiravańnia i mabilizacyi ŭłady na miescach, i nijakaha dačynieńnia da režymu znachodžańnia inšaziemcaŭ nie maje.
Vidavočna, buduć pryniatyja peŭnyja mierapryjemstvy ŭ tych siłavych strukturach, jakija kantralujuć paradak na vulicy, prachodžańnia miažy. Dumaju, turysty nie adčujuć admysłovych źmien.
Vajennaje stanovišča — heta krok na apiaredžańnie mahčymych pravakacyj z boku Rasijskaj Fiederacyi.
Što da biełarusaŭ, jany spakojna mohuć jechać va Ukrainu na navahodnija śviaty. Tym bolš, što vajennaje stanovišča ŭviedziena da 27 śniežnia.
Na dumku Ihara Kizimy, vajennaje stanovišča moža być padoŭžanaje tolki ŭ adnym vypadku, kali Rasija pačnie vajennyja dziejańni na terytoryi Ukrainy.
— A pakul biełarusy jak jeździli, chaj i jeździać va Ukrainu. Jość vyraz, jaki vielmi lublu: «Kali pavodziać siabie prystojna, to, kali łaska».
Ciapier čytajuć
Poŭny śpis palitviaźniaŭ, vyzvalenych 13 śniežnia6
Kamientary