BPS-Śbierbank prypyniŭ vydaču spažyvieckich kredytaŭ i abmiežavaŭ pryjom novych kredytnych zajavak na nabyćcio žylla. Pry hetym bank praciahvaje absłuhoŭvać raniej vydadzienyja kredyty ŭ poŭnym abjomie.
- Z 30 listapada 2018 hoda BPS-Śbierbank prypyniaje pryjom novych kredytnych zajavak na nabyćcio žylla, a taksama vydaču kredytaŭ na spažyvieckija patreby. Dadzienaje abmiežavańnie nie zakranaje pryjom kredytnych zajavak na dziejučych umovach pa praduktach «Geely ź Śbierbankam», a taksama pa kredytach, jakija vydajucca nasielnictvu na lhotnych padstavach u ramkach Ukaza № 240, - raspaviali ŭ BPS-Śbierbanku.
Taksama ŭ banku raspaviali, što zajaŭki na kredyt, jakija padali da 30 listapada 2018 hoda, buduć razhledžany ŭ adpaviednaści sa starymi ŭmovami kredytavańnia (ŭmovami, jakija dziejničali na momant zvarotu).
«Biahučyja źmieny kredytnaj liniejki Banka dla fizičnych asob vyklikanyja nieabchodnaściu kompleksnaha pierahladu pracentnych stavak pa šerahu kredytaŭ, a taksama jaje abnaŭleńnia», — patłumačyli ŭ pres-słužbie.
Nahadajem, raniej Biełarusbank uvioŭ novyja źmieny ŭ vydaču kredytaŭ. Tak, z 8 listapada bank prypyniŭ pryjom zajavak na atrymańnie kredytaŭ na spažyvieckija patreby terminam na 4 i 5 hadoŭ. Akramia taho, pry raźliku pamieru kredytu na nieruchomaść bank pierastaŭ ŭličvać sukupny dachod blizkich svajakoŭ i členaŭ siamji. Raniej bank taksama anansavaŭ, što padniaŭ staŭki pa kredytach na nieruchomaść, prypyniŭ vydaču pazyk na nabyćcio žylla.
38-hadovaha vajskovaha lotčyka sudziać za abrazu Łukašenki3
Kamientary