БПС-Сбербанк прыпыніў выдачу спажывецкіх крэдытаў і абмежаваў прыём новых крэдытных заявак на набыццё жылля. Пры гэтым банк працягвае абслугоўваць раней выдадзеныя крэдыты ў поўным аб'ёме.
- З 30 лістапада 2018 года БПС-Сбербанк прыпыняе прыём новых крэдытных заявак на набыццё жылля, а таксама выдачу крэдытаў на спажывецкія патрэбы. Дадзенае абмежаванне не закранае прыём крэдытных заявак на дзеючых умовах па прадуктах «Geely з Сбербанкам», а таксама па крэдытах, якія выдаюцца насельніцтву на льготных падставах у рамках Указа № 240, - распавялі ў БПС-Сбербанку.
Таксама ў банку распавялі, што заяўкі на крэдыт, якія падалі да 30 лістапада 2018 года, будуць разгледжаны ў адпаведнасці са старымі ўмовамі крэдытавання (ўмовамі, якія дзейнічалі на момант звароту).
«Бягучыя змены крэдытнай лінейкі Банка для фізічных асоб выкліканыя неабходнасцю комплекснага перагляду працэнтных ставак па шэрагу крэдытаў, а таксама яе абнаўлення», — патлумачылі ў прэс-службе.
Нагадаем, раней Беларусбанк увёў новыя змены ў выдачу крэдытаў. Так, з 8 лістапада банк прыпыніў прыём заявак на атрыманне крэдытаў на спажывецкія патрэбы тэрмінам на 4 і 5 гадоў. Акрамя таго, пры разліку памеру крэдыту на нерухомасць банк перастаў ўлічваць сукупны даход блізкіх сваякоў і членаў сям'і. Раней банк таксама анансаваў, што падняў стаўкі па крэдытах на нерухомасць, прыпыніў выдачу пазык на набыццё жылля.
У Рагачове тры школьніцы збілі 11-гадовага хлопчыка, сцягнулі з яго трусы і імітавалі сэкс11
Каментары