Hramadstva44

Pasoł Brytanii vykazałasia pra ściah ŁHBT, udzieł u finansavańni Zakona ab chatnim hvałcie i ŭsprymańni Biełarusi ŭ chaŭrusie z Rasijaj

Fijona Hib užo try hady pradstaŭlaje Brytaniju ŭ Biełarusi. Pry joj tradycyjna cichaje (jak i ŭsie astatnija) pasolstva trapiła ŭ skandał z MUS, spryčyniłasia da niekatorych važnych dla hramadstva prajektaŭ i pačało čaściej źjaŭlacca ŭ ŚMI. 

Spadarynia pasoł Fijona Hib vykazałasia dla «Našaj Nivy» pa niekatorych aktualnych pytańniach. 

«Naša Niva»: Jak vy ŭsprymajecie «spravu BiełTA»?

Fijona Hib: Ja nie budu kamientavać sam źmiest abvinavačvańniaŭ: hetuju historyju z parolami i ŭsio astatniaje, bo niekatoryja rečy mnie niajasnyja. Ale i nam, i Jeŭrasajuzu ahułam reakcyja ŭładaŭ padałasia praźmiernaj. Mienavita tamu niekatoryja dypłamaty vykazali padtrymku, u tym liku naviedvańniem paciarpiełych redakcyj.

Dla nas hetaja sprava — uzor taho, jak ułady akazvajuć cisk na miedyja.

Nam niezrazumieła, čamu dziaržava, kali jana choča viedać dumku naroda, nie daje miedyja narmalna funkcyjanavać. Kali vam chočacca viedać bolš — nie stvarajcie pieraškod.

I isnuje mnostva prykładaŭ pieraśledu miedyja, pytańnie svabody miedyja nie sychodzić z paradku dnia ŭ pieramovach ź Jeŭrasajuzam.

Ja viedaju, što kryminalnyja abvinavačvańni byli źniatyja z mnohich, ale tyja ludzi atrymali vializnyja štrafy, što taksama vyhladaje praźmiernym. Što datyčyć Maryny Zołatavaj, to ja pakul nie mahu raskazać pra mahčymyja reakcyi na jaje prysud — davajcie pačakajem, čym usio skončycca.

«Naša Niva»: Čamu pasolstva Brytanii vyviesiła ŁHBT-ściah? Što vy dumajecie nakont reakcyi MUS?

Fijona Hib: Brytanski ŭrad zaachvočvaje ŭsie pasolstvy pa ŭsim śviecie vyviešvać u hety dzień hety ściah. Heta adbyłosia ŭ čaćviorty raz, ja zaŭvažu, a nie ŭpieršyniu. My nie prasoŭvajem ŁHBT, my, chutčej, pavyšajem abaznanaść ludziej: maŭlaŭ, takija jość siarod nas. My suprać dyskryminacyi, i reakcyja MUS śviedčyć, što dyskryminacyja ŭ Biełarusi ŭsio ž jość.

Ale ja nie chaču svarycca z MUS, isnuje vialikaja kolkaść prablem, jakija patrabujuć sumiesnaj raboty: handal ludźmi, abarona dziaciej, zakon ab chatnim hvałcie i hetak dalej.

Jość niejkija pytańni sa ściaham, ale my supracoŭničajem. Prykład takoj raboty: stvareńnie prajekta zakona «Ab chatnim hvałcie».

«Naša Niva»: Vyhladaje, što hety zakon nie budzie pryniaty, bo absiečany na samym viersie — asabista Łukašenkam.

Fijona Hib: Ja była rasčaravanaja, kali prezident zrabiŭ zajavu ab niepatrebnaści takoha zakona. Ja nie razumieju, navošta jon heta skazaŭ. Kab zrazumieć, napeŭna, treba było b ź im sustrecca. Ale majem što majem, i davodzicca šukać inšyja sposaby, jak dasiahnuć pastaŭlenaj mety.

Ale pry padrychtoŭcy była zroblena vialikaja rabota, i hetyja napracoŭki, napeŭna, buduć vykarystoŭvacca dla dapaŭnieńnia isnujučych zakonaŭ. My finansavali rabotu nad hetym prajektam (havorka pra finansavańnie ekśpiertnaj padtrymki i kansultacyj praź JUNFPA).

«Naša Niva»: Što źmienicca ŭ palitycy Brytanii da Biełarusi paśla Breksitu?

Fijona Hib: Breksit nie ŭpłyvaje na adnosiny Biełarusi i Brytanii. Što da adnosin, to ciešyć, što my abmianialisia aficyjnymi vizitami — heta toje, čaho nie adbyvałasia ŭžo šmat hod. Adnosiny raźvivajucca.

Ale, u lubym razie, vydavać vizy ŭ Biełarusi my nie budziem. Hetaje pytańnie vyrašaje inšaje viedamstva, anałah Ministerstva ŭnutranych spraŭ u Biełarusi. Ich palityka ŭ tym, kab skaracić kolkaść vizavych supracoŭnikaŭ va ŭsim śviecie i stvaryć kłastary ŭ peŭnych rehijonach śvietu.

Biełarusam robiać vizy ŭ Varšavie, heta praces, jaki možna zrabić anłajn. Varšaŭski ofis vydaje dla biełarusaŭ prykładna 11 tysiač viz u hod.

«Naša Niva»: Jak Biełaruś usprymajecca z Brytanii — heta poŭny satelit Rasii, niezaležny hulec ci niešta siaredniaje?

Fijona Hib: My razumiejem, što adnosiny z Rasijaj važnyja Biełarusi: u vas kulturnyja, histaryčnyja, ekanamičnyja suviazi. My pavažajem heta, i pierad Biełaruśsiu nie staić vybar miž Rasijaj i Zachadam. Ale my taksama nie dumajem katehoryjami «svajoj śfiery ŭpłyvu», kudy Biełaruś, naprykład, źmiaščaje Rasija. My nie razumiejem samoha paniaćcia «śfiery ŭpłyvu». My pavažajem siabroŭstva miž krainami da taho momantu, pakul adna ź ich pavažaje nieparušnaść i suvierenitet druhoj. I my bačym, jak Rasija prajaviła hetuju pavahu ŭ siabroŭstvie z Ukrainaj.

Mnie zdajecca, što Biełaruś znachodzicca ŭ ciažkim stanoviščy, jana zaležyć ad Rasii ekanamična i enerhietyčna. Heta daje Rasii ryčahi ŭpłyvu na vašu krainu, što nie zaŭsiody karysna va ŭsprymańni Biełarusi na mižnarodnaj arenie.

Našaja palityka ŭ dačynieńni Biełarusi — padtrymlivać jaje niezaležnaść i suvierenitet. I mnie zdajecca, što Biełarusi treba chutčej ruchacca ŭ pytańniach refarmavańnia ekanomiki i instytutaŭ.

Tak, možna skazać, što i ŭ nas nie ŭsio idealna, ale čaho nie adniać — dyk heta taho, što ŭ Brytanii paśpiachovaja ekanomika.

I tyja ž niezaležnyja miedyja, ź jakich my pačynali, — jany raźvivajuć hramadstva, raźniavolvajuć jaho. A svabodnaje hramadstva bolš kreatyŭnaje, heta spryjaje raźvićciu. Svabodnaje hramadstva maje nadzieju na budučyniu. Adstutnaść nadziei — heta toje, z čym ja sutykajusia ŭ razmovach z mnostvam biełarusaŭ.

«Naša Niva»: Biełarusy vyvučajuć anhlijskuju movu 11 hadoŭ u škole, potym jašče va ŭniviersitecie. Ale ahulny ŭzrovień vałodańnia movaj usio adno nizki. U čym tut prablema?

Fijona Hib: Kali havorka pra mietodyki, to dumaju, kali b Ministerstva adukacyi chacieła niešta źmianić, jany b da nas źviarnulisia. Adnak, kab dobra havaryć, treba mieć praktyku. I brytanskija školniki taksama vučać zamiežnyja movy, ale ja nie dumaju, što jany na ich dobra havorać, kali nie brać śpiecyjalizavanyja ŭniviersitety.

Ale ja viedaju, što Brytanski saviet pravodzić rabotu ŭ Biełarusi — da kanca lutaha ŭ troch univiersitetach zapracujuć centry anhlijskaj movy i kultury.

«Naša Niva»: Čamu b brytancy mahli pavučycca ŭ biełarusaŭ?

Fijona Hib: Brytancy ŭ adnosinach trochi zhubili kulturu dobrych manieraŭ, a biełarusy vielmi vietlivyja i staviacca z pavahaj. Heta bačać pa pryjeździe mnohija zamiežniki, adčuvajuć atmaśfieru biaśpieki.

Kamientary4

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ultralevyja pralatajuć mima bundestaha, a ŭltrapravyja sabrali mienš, čym raźličvali

Ultralevyja pralatajuć mima bundestaha, a ŭltrapravyja sabrali mienš, čym raźličvali

Usie naviny →
Usie naviny

Ziać Viktara Orbana moža kupić Raiffeisenbank u Rasii4

Bolš nijakich ružovych kaściumaŭ. Styl Natalli Piatkievič źmianiŭsia kardynalna22

Technika złamałasia na nastupny dzień paśla harantyi. Ci možna viarnuć hrošy?

Palina Šarenda-Panasiuk zhadała samy trahičny momant u źniavoleńni1

Minskaja błohierka paniuchała dźviery susieda i hetym vyratavała jaho ad mahčymaj hibieli6

U kałonii, dzie trymajuć Eduarda Babaryku, źmianiŭsia načalnik1

CHAMAS vyzvaliŭ dvuch zakładnikaŭ, a na praciahu dnia hrupoŭka abiacaje adpravić jašče čatyroch1

EPAM nazvaŭ čysty prybytak za hod. Ličba ŭražvaje8

ZŠA pryhrazili pierakryć Ukrainie dostup da Starlink11

bolš čytanych navin
bolš łajkanych navin

Ultralevyja pralatajuć mima bundestaha, a ŭltrapravyja sabrali mienš, čym raźličvali

Ultralevyja pralatajuć mima bundestaha, a ŭltrapravyja sabrali mienš, čym raźličvali

Hałoŭnaje
Usie naviny →

Zaŭvaha:

 

 

 

 

Zakryć Paviedamić