Usie novanarodžanyja ŭ studzieni 2019 hoda atrymajuć u minskich radzilniach skrynki z padarunkami. Što tam budzie?
Tradycyja ŭručać maładym mamam i ich dzietkam skrynki z padhuźnikami, adzieńniem, cackami, pieršymi srodkami hihijeny dla novanarodžanych źjaviłasia ŭ 1938 hodzie ŭ Finlandyi i pastupova raspaŭsiudziłasia pa ŭsim śviecie.
Siońnia padobnyja prahramy realizujucca bolš čym u 80 krainach. U chutkim časie da ich dałučycca Biełaruś.
U Biełarusi ideja padarunkavych skrynak dla niemaŭlat źjaviłasia kala hoda tamu, kali pry padtrymcy Ministerstva achovy zdaroŭja Respubliki Biełaruś startavaŭ prajekt «MamaPro»: pieršaja afłajn- i anłajn-placoŭka dla ŭzajemadziejańnia budučych i siońniašnich baćkoŭ ź viadučymi śpiecyjalistami śfier achovy zdaroŭja, sacyjalnaj abarony i adukacyi.
Pieršyja padarunkavyja skrynki atrymajuć dzietki, jakija naradzilisia ŭ Minsku pad boj kurantaŭ, akcyja budzie praciahvacca va ŭsich minskich radzilniach uvieś studzień. U śpis radzilniaŭ ŭvajšli taksama Minskaja abłasnaja kliničnaja balnica i RNPC «Maci i dzicia».
— Skrynki buduć uručacca maładym mamam pry vypiscy, — udakładniaje kiraŭnik prajekta «MamaPro», lekar akušer-hiniekołah Dzijana Mardas.
Arhanizatary adznačajuć, što ažyćciaŭleńnie hetaj idei nie patrabavała biudžetnaha finansavańnia: padarunkavyja skrynki dla niemaŭlat sfarmiravanyja pry padtrymcy cełaha šerahu brendaŭ-partnioraŭ prajekta. Šyrokuju padtrymku jamu akazali i znakamityja biełaruskija mamy, jakija dapamohuć dastavić skrynki šmatdzietnym siemjam abo ŭ damy malutki. Ci budzie prajekt realizoŭvacca dalej, pakaža vodhuk samich baćkoŭ u studzieni.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary