Naradžalnaść skaraciłasia ŭ Biełarusi za 11 miesiacaŭ minułaha hoda na 7,5%, zajaviła ministr pracy i sacyjalnaj abarony Iryna Kaścievič.
«Siońnia nazirajecca źnižeńnie kolkaści naradžalnaści. Za 11 miesiacaŭ 2018 hoda, u paraŭnańni z anałahičnym letašnim pieryjadam, temp skłaŭ 92,5% u naradžalnaści, što pryviało da taho, što my za 11 miesiacaŭ stracili ŭ kolkaści nasielnictva amal 15 tysiač čałaviek», — cytuje ministra «SB. Biełaruś siońnia».
Heta abumoŭlena, pierš za ŭsio, tym, što ciapier na avanscenu vychodzić hrupa žančyn repraduktyŭnaha ŭzrostu, jakija naradzilisia ŭ 90-ja hady. Heta małalikaja hrupa, padkreśliła Kaścievič.
«Pa prahnozach, kolkaść žančyn repraduktyŭnaha ŭzrostu budzie źnižacca pa pryčynie taho, što ŭ nas skaračajecca naradžalnaść», — skazała ministr. Tamu meta — pavialičyć intensiŭnaść naradžeńnia dziaciej, matyvavać žančyn naradžać bolš dziaciej.
Pa słovach Kaścievič, kali ŭ 2016 hodzie kaeficyjent naradžalnaści składaŭ u našaj krainie 1,73 (heta značyć 1,73 dziciaci na žančynu repraduktyŭnaha ŭzrostu), to ŭ 2017 — 1,54.
U toj ža čas ministr adznačyła, što miery, jakija prymajucca ŭ krainie pa padtrymcy šmatdzietnych siemjaŭ dajuć svaje vyniki. Kali ŭ 2014 hodzie dziaciej, jakija naradzilisia trecimi i nastupnymi, było 17 tys., to ŭ 2015 — 20 tys., u 2016 — 22 tys., u 2017 — 21 tys. Siaredni temp pryrostu skłaŭ amal 23%.
Kamientary