Prezydent Ukrainy zajaviŭ, što paŭnočnaatłantyčny aljans nie pajšoŭ na zbližeńnie z Kijevam, bajučysia žorstkaj pazicyi Rasii.
Prezydent Ukrainy zajaviŭ, što NATO nie pajšło na zbližeńnie z Kijevam, bajučysia žorstkaj pazicyi Rasii.
U interviju karespandentu Bi‑Bi‑Si Hebryełu Hiejtchausu ukrainski lider adznačyŭ, što siabroŭstva ŭ paŭnočnaatłantyčnym aljansie mahło b harantavać niezaležnaść i terytaryjalnuju cełasnaść Ukrainy.
«Za XX stahodździe Ukraina šeść razoŭ abviaščała niezaležnaść. Piać razoŭ my jaje hublali. Z adnaje pryčyny: za nami nikoli nie stajali mižnarodnyja harantyi — našaj terytaryjalnaj cełasnaści i suvierenitetu, — skazaŭ Juščanka. — Palityka NATO pašyraje na ŭschod Jeŭropy zonu stabilnaści i miru. Peŭny, što krainy Jeŭrasajuza vielmi zacikaŭlenyja ŭ pašyreńni zony stabilnaści».
Adkazvajučy na pytańnie, ci zhodny jon z dumkaj, što NATO spałochałasia ustanaŭleńnia bolš ciesnych suviaziaŭ z Ukrainaj praz žorstki supraciŭ Rasii, Juščanka skazaŭ: «Dla mianie vidavočna, što heta tak».
«I ŭ asiarodku NATO i pa‑za błokam nie chapiła palityčnaha duchu realizavać ŭ čystym vyhladzie tyja pryncypy, na jakich bazujecca praca hetaha instytutu, — skazaŭ prezident Ukrainy.Ukraina — heta nie čyjaś pravincyja, Ukraina — heta suvierennaja dziaržava. I adnym z našych fundamientalnym pravoŭ jak suvierennaj dziaržavy — heta prava farmavańnia palityki ŭ halinie biaśpieki».
Padčas apošniaha samita NATO u Bruseli Ukraina — a taksama Hruzija — nie atrymali zaprašeńnia dałučycca da Płanu dziejańniaŭ adnosna siabroŭstva ŭ aljansie — dakumientu, što pačynaje farmalnuju praceduru ŭstupleńnia ŭ vajenna‑palityčny błok.
Kab nie płacić padatak na sabak, minčuki pačali zdavać ich u punkty adłovu25
Kamientary