29 śniežnia ŭ punkcie propusku «Brest» zatrymali 24-hadovaha rasijanina, jaki vioz z Polščy narkotyki. Pavodle nieaficyjnych danych, zatrymanym źjaŭlajecca syn rasijskaha aliharcha, uładalnika niekalkich bujnych transpartnych kampanij Kanstancina Šaryhi, Alaksandr, paviedamlaje Tut.by.
Pavodle śledstva, 29 śniežnia małady čałaviek jechaŭ na Mercedes z Polščy ŭ Biełaruś praz punkt propusku «Brest». Padčas dahladu ŭ jaho znajšli hašyšny alej i marychuanu. Jaho zatrymali i ŭziali pad vartu.
Zhodna z vynikami miedycynskaha ahladu, kiroŭca Mercedes byŭ pjany (0,56 pramile).
8 studzienia chłopcu pradjavili abvinavačvańnie pa č. 1 art. 328-1 KK (niezakonnaje pieramiaščeńnie praź dziaržaŭnuju miažu Respubliki Biełaruś narkatyčnych srodkaŭ).
Jak paviedamili Tut.by dźvie niezaležnyja krynicy, zatrymanym źjaŭlajecca syn rasijskaha aliharcha Alaksandr Šaryhi. U Śledčym kamitecie Tut.by hetuju infarmacyju nie paćvierdzili, ale i nie abvierhli.
Kamientary