Andrej Bandarenka raskazaŭ pravavy miechanizm adchileńnia Žyvałoviča i zhadaŭ «hrant ad Rasii na $100 tysiač»
Niezrazumiełaja situacyja adbyvajecca vakoł «Biełhaziety», dzie na minułym tydni źmianiłasia kiraŭnictva.
Čytajcie padrabiazna. Razborki ŭ «Biełhaziecie»: uładu ŭ dyrektara Kiryła Žyvałoviča pierachapiŭ były palitviazień Andrej Bandarenka
Na dadzieny momant eks-dyrektar Kirył Žyvałovič, jakomu naležyć 75% statutnaha fonda, pravodzić jurydyčnuju ekpiertyzu, vyniki hatovyja buduć u sieradu, u hety ž čas Andrej Bandarenka ŭžo razdaje intervju ŭ jakaści novaha dyrektara TAA «Biełhazieta».
«Naša Niva» zapytałasia ŭ Bandarenki pra pravavyja miechanizmy adchileńnia Žyvałoviča.
«Heta adbyvałasia na hadavym schodzie, jaki moža inicyjavać luby minarytaryj z dolaj, bolšaj za 10%. I heta zrabiŭ Vysocki. Toje, što Žyvałovič nie źjaviŭsia na schod, choć byŭ naležnym čynam apavieščany, — heta jaho prablemy, — rasskazvaje Bandarenka. — Čałaviek hod nie źjaŭlaŭsia na rabočym miescy, rabiŭ, miakka kažučy, padazronyja płaciažy, jakija adbivalisia na finansavym stanie arhanizacyi, i ŭ vyniku nie prymaŭ nijakaha ŭdziełu ŭ rabocie. U śniežni stała pytańnie, što ŭ studzieni my možam hazietu nie ŭbačyć».
Bandarenka raskazvaje, što pa hetych pryčynach «druhim zasnavalnikam prymalisia zachady, skiravanyja na vyratavańnie haziety»: adnym ź miechanizmaŭ było zvalnieńnie papiaredniaha dyrektara i abmiežavańnie jaho prava vykarystoŭvać finansavyja srodki arhanizacyi.
Jakim čynam Žyvałovič byŭ pastaŭleny ŭ viadomaść ab schodzie zasnavalnikaŭ, jakich usiaho dva?
«Pa miescy svajoj pracy byŭ prainfarmavany niekalki razoŭ, jamu rabili paviedamleńni, na schod jon nie źjaviŭsia, — skazaŭ Bandarenka.
Što ciapier z 75% statutnaha fonda, jakija naležyć Žyvałoviču?
«Jany naležać jamu, źmieny zasnavalnikaŭ nie było. Jon zastajecca zasnavalnikam pradpryjemstva, ale praz toje, što byŭ nie ŭ stanie zajmacca finansava-haspadarčaj dziejnaściu, było pryniataje rašeńnie ab jahonym zvalnieńni», — tłumačyć novy dyrektar.
Taksama Bandarenka skazaŭ, što padazraje Žyvałoviča ŭ rassyłcy ad jaho imia infarmacyi pra prapanovu «hranta ŭ sto tysiač».
Čytajcie: Ad imia Andreja Bandarenki pa redakcyjach ŚMI rassyłajecca prapanova ŭziać rasijski hrant pamieram $100 tysiač
«Na moj pohlad, heta sychodziła ad jaho. RUUS pravodzić pravierku, my źviarnulisia z prośbaj vyznačyć i pryciahnuć da adkaznaści asob, jakija raspaŭsiudžvali infarmacyju», — skazaŭ Bandarenka.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary