Pra heta zajaviŭ Alaksandr Łukašenka siońnia na sustrečy z hubiernataram Novasibirskaj vobłaści Andrejem Traŭnikavym.
Łukašenka adznačyŭ, što razmovy ab prahmatyčnaj pazicyi Rasii i razvahach pra braterstva i družbu sastupajuć miesca asabliva partniorskim adnosinam. «Partniory dyk partniory. Nikolki nie piareču. My hatovyja da supracoŭnictva z našaj brackaj Rasijaj nastolki, nakolki siońnia kiraŭnictva Rasii da takoha hatovaje. Tolki my suprać usialakich fejkaŭ, ukidaŭ, raskručvańnia roznych tem u ŚMI.
A ŭ apošni čas mnie daviałosia reahavać na toje, što nibyta biełarusy bjuć u Minsku ruskich», — skazaŭ kiraŭnik dziaržavy.
Jon rastłumačyŭ, što kali stali raźbiracca, to vyśvietliłasia, što ŭ tym vypadku byŭ kanflikt pamiž dvuma biełarusami.
«A ź internetu ŭziali i vykacili na centralnyja srodki masavaj infarmacyi, što nibyta chtości pabiŭ ruskaha čałavieka. Toj čałaviek naohuł daloka ad ruskich staić. Značyć, jość popyt na hetyja temy. I vaš pryjezd jakraz śviedčyć pra toje, što zdarovaje zaŭsiody pieramoža, i ruskich ź biełarusami sutyknuć nie atrymajecca. Nikoli nie atrymajecca. Prynamsi, pakul ja prezident», — reziumavaŭ biełaruski kiraŭnik.
U Minsku chłopiec vyhnaŭ «kazaka» z vahona mietro, kanflikt trapiŭ na VIDEA
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary