Partyja vienhierskaha premjer-ministra «Fides» nie dałučycca da jeŭraskieptyčnaha aljansu, što ŭznačalvaje Italiju, pierad majskimi vybarami ŭ Jeŭraparłamient. Robicca heta niahledziačy na ahulnuju ź vice-premjeram Italii Matea Salvini antyimihranckuju pazicyju. Pra heta zajaviŭ dziaržsakratar Vienhryi pa spravach ES Sabalč Takač, piša Reuters.
«Tut niama schavanaha paradku dnia. Adzinaje, što hetyja dva palityki, Salvini i Orban, majuć vielmi padobny, kali nie identyčny, padychod da vyrašeńnia mihracyjnych prablem», — skazaŭ Takač.
U hrupu ultrapravych JEP «Jeŭropa nacyj i svabod» uvachodziać francuzski «Nacyjanalny schod» Maryn Lo Pen, aŭstryjskaja Partyja svabody, «Liha» Salvini. Jon viadzie pieramovy z polskaj uładnaj partyjaj «Prava i spraviadlivaść» (PiS) ab jaje dałučeńni da hrupy. Salvini pierakanaŭ dałučycca taksama hałandskuju ŭltrapravuju partyju svabody (PVV).
«I PiS ŭ Polščy, i «Liha»u Italii nie źjaŭlajucca členami JENP, tady jak «Fides» źjaŭlajecca členam JENP. Heta vielmi dakładna vyznačaje naša miesca i našu pazicyju», — skazaŭ Takač. «Vienhryja nie ŭdzielničaje ŭ hetym supracoŭnictvie pa kampanii ŭ Jeŭraparłamient».
Takač taksama zajaviŭ, što Vienhryja ćviorda padtrymała kandydaturu Manfreda Vebiera jak nastupnaha prezidenta Jeŭrapiejskaj kamisii.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?2
Kamientary