Minčuki nie pajšli na śpiektakl rasiejskaha artysta, jaki źbivaŭ žonku
26 lutaha ŭ Minsku pavinny byli pakazać śpiektakl «Kachańnie. [email protected]. Pierazahruzka» z rasijskimi artystami Hannaj Banščykavaj i Maratam Bašaravym u hałoŭnych rolach.
Pastanoŭka ŭ Biełarusi aktyŭna rekłamavałasia ciaham niekalkich miesiacaŭ, adnak popyt na kvitki byŭ mały. Dy taki, što śpiektakl admianili: na jaho zachacieli patrapić usiaho 49 biełarusaŭ.
Karespandenty «KP» datelefanavalisia ŭ kasu kancertnaj zały «Minsk» i daviedalisia, u čym ža pryčyna rezkaha źnižeńnia popytu na imprezu.
«Mienš z žonkaj treba bicca», — prakamientavali ŭ kasie.
Dla tych, chto nie ŭ kursie, nahadajem, što ŭ kancy 2018 hoda treciaja žonka Marata Bašarava Lizavieta Šavyrkova trapiła ŭ balnicu ź pierałamanym nosam. Raniej Bašaraŭ źbivaŭ i papiaredniuju žonku.
Lizavieta spadziavałasia, što muž voźmie siabie ŭ ruki, laža na lačeńnie ŭ imia ich ahulnaha syna i siamji, adnak u vyniku padała na razvod.
Kamientary