Praviadzieńnie Hoda budzie sadziejničać zachavańniu i pamnažeńniu nacyjanalnaha duchoŭnaha i kulturnaha nabytku, samabytnych tradycyj biełaruskaha narodu, hadavańniu moładzi ŭ duchu lubovi da Ajčyny, havorycca va ŭkazie.
Adpaviedny ukaz Alaksandr Łukašenka padpisaŭ 29 śniežnia.
Praviadzieńnie Hoda rodnaj ziamli budzie sadziejničać zachavańniu i pamnažeńniu nacyjanalnaha duchoŭnaha i kulturnaha nabytku, histaryčnych spadčyny i pryrodnych bahaćciaŭ krainy, samabytnych tradycyj biełaruskaha narodu, hadavańniu moładzi ŭ dusie lubovi da Ajčyny.
Tematyka Hoda arhanična spałučajecca z važnaj histaryčnaj padziejaj — śviatkavańniem 65‑j hadaviny vyzvaleńnia Respubliki Biełaruś ad niamiecka‑fašysckich zachopnikaŭ, što śviedčyć ab pierajemnaści patryjatyčnych tradycyj pakaleńnia pieramožcaŭ, hatoŭnaści našych sučaśnikaŭ bierahčy rodnuju ziamlu, prymnažać jaje pryrodnyja bahaćci, duchoŭnyja i kulturnyja skarby.
«Kiraŭnik dziaržavy daručyŭ Savietu Ministraŭ zaćvierdzić respublikanski płan mierapryjemstvaŭ pa praviadzieńniu ŭ 2009 hodzie Hoda rodnaj ziamli i zabiaśpiečyć kaardynacyju dziejnaści dziaržaŭnych orhanaŭ, inšych arhanizacyj pa jaho vykanańniu, a inšym respublikanskim orhanam dziaržkiravańnia, abłvykankamam, Minskamu harvykankamu — padrychtavać i realizavać halinovyja i rehijanalnyja płany», — padkreślili ŭ pres‑słužbie prezidenta.
Kamientary