Vialikaja strata dla kulturnaj spadčyny: u niadzielu zhareła Dźmitraŭskaja carkva XVIII stahodździa ŭ vioscy Lelikava Kobrynskaha rajona. Jana naležała da plejady draŭlanych cerkvaŭ, zbudavanych u charakternym zachodniepaleskim styli. Ich budavali jašče ŭ časy Unii.
Kali na miesca prybyli ratavalniki, z-pad dacha draŭlanaha budynka išoŭ dym, a ŭnutry budynka byŭ ahoń, paviedamlaje MNS.
Nastajaciel chrama raspavioŭ, što pra pažar jamu paviedamili pa telefonie. Unutr carkvy trapić było niemahčyma z-za ščylnaha dymu i vysokaj tempieratury.
Pažar byŭ likvidavany. Ahniom źniščany dach na płoščy 75 kv.m, paškodžanyja ścieny i majomaść. Paciarpiełych niama.
Tak carkva vyhladała da pažaru:
U śpis Suśvietnaj kulturnaj spadčyny JUNESKA prapanoŭvałasia ŭnieści piać kultavych draŭlanych chramaŭ Bieraściejščyny. Charakterny styl — strohi i elehantny adnačasova, u jakim spałučylisia narodnyja tradycyi i adhałoski baroka — vyłučaje staryja cerkvy hetaha rehijona. Jany niepaŭtornyja.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary