Kandydat na pasadu kiraŭnika Ukrainy Uładzimir Zialenski zajaviŭ, što sastupiŭ by svajo miesca ŭ prezidenckaj honcy muzyku, lidaru rok-hurta «Akijan Elzy» Śviatasłavu Vakarčuku, kali b toj bałatavaŭsia.
Pra heta Zialenski paviedamiŭ na sustrečy z pradstaŭnikami biznes-asacyjacyj, pieradaje partał «Ukrainskija naviny».
«Ja i jašče adzin muzykant [Vakarčuk], usie my prademanstravali žadańnie niešta zrabić, pajści ŭ palityku. Kali b Słava byŭ [kandydatam], ja b sastupiŭ jamu», — adznačyŭ šoŭmen.
«Kali łaska, kali ty vieryš, kali adčuvaješ u sabie siły, tabie nie słabo — davaj, my padtrymajem rejtynhami, ludźmi, idejami», — dadaŭ jon.
Pavodle apošnich sacyjałahičnych apytańniaŭ, Zialenski lidziruje ŭ rejtynhach pieršaha turu, a ŭ druhim pieramahaje ŭsich mahčymych supiernikaŭ. Pieršy tur vybaraŭ adbudziecca 31 sakavika.
Kamientary