Piša Anatol Sidarevič.
Pytajucca: chto stanie prezidentam Ukrainy? Adkazvaju: heta ŭ nas viadoma, chto stanie prezidentam, a va Ukrainie — vybary, i pradkazać ich vynik ciažka, bo ja nie Kasandra i nie pifija, jakaja ahučvaje pradkazańni arakuła.
Narod va Ukrainie mała čym adroźnivajecca ad biełarusaŭ. Chiba što bolš pasijanarny. A tamu i chałopstva mienš. A ŭ astatnim… Voś piša vieteran publicystyki Anatolij Strelany, što da paspalitaha ŭkrainca nijak nie moža dajści, što takoje padzieł uładaŭ, što prezident zajmajecca pytańniami abarony, źniešniaj palityki, pamiłavańniami, uznaharodami, a ekanomikaj — zajmajecca padkantrolny parłamientu ŭrad. U hałavie ŭkrainca, jak i ŭ hałavie biełarusa, adna formuła: jakŝo ti hołova, to musiš virišuvati usi pitańnia. Tamu i moža papulistka Cimašenka abiacać nievierahodnaje źnižeńnie taryfaŭ i koštaŭ…
Va Ukrainie, jak i ŭ Biełarusi, čystaplujskaja taja častka nasielnictva, jakaja ličyć siabie intelektualnaj elitaj nacyi. Palityka — brudny zaniatak, — kažuć čystaplui. U 2010 h. jany dapamahli pryjści da ŭłady hrabiežniku Janukoviču, bo śćviardžali i na ŭsiu Ukrainu viaščali: što Juščanka, što Cimašenka, što Janukovič — adnaho pola jahady. Voś i ciapier taŭkucca ŭ čarzie da prezidenckaha kresła ludzi savieckaj zahartoŭki abo ich vychavancy. A papularny Vakarčuk maje čystyja ruki.
Asabliva mianie paciašaje ŭkrainskaja žurnalistyka. Jana ciapier tak raźviazałasia, što, zdajecca, dla jaje niama nijakich etyčnych miežaŭ i ramak. Pry hetym ŚMI nie chavajuć, kamu kankretna jany słužać. Uspaminajecca, jak ad svabody vykazvańnia až zachłynalisia rasijskija ŚMI, jak jany pałaskali Barysa Jelcyna i jaho atačeńnie. I zachłynulisia, biednieńkija. Uspaminajecca, jak našy ŚMI papularyzavali asnoŭnaha kankurenta Kiebiča — Alaksandra Łukašenku. Tak papularyzavali, što rasčuleny Łukašenka adrazu paśla druhoha turu vybaraŭ zajaviŭ, što daje našym ŚMI volu volnuju. Daŭ takuju volu, što i cenzury nie treba: u redakcyjach vydatna pracuje samacenzura.
Jak by i ŭkrainskija ŚMI nie zachłynulisia ŭ tym łajnie, jakoje jany štodzień pradukujuć.
-
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami
-
Mošes: U ES źmirylisia, što Łukašenka nazaŭsiody zastaniecca ŭ zonie ŭpłyvu Rasii
-
Andrej Pavuk: Dzieci prosta pieraškadžajuć žyć, ja adpačyvaju ad taho, što ich niama. Biednaja Vola, maja byłaja žonka
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?2
Kamientary