Byłaja žonka najbahaciejšaha čałavieka ŭ śviecie adsudziła $35 miljardaŭ. A mahła ŭ dva razy bolej
Kiraŭnik kampanii Amazon, najbahaciejšy čałaviek u śviecie Džef Biezas i jaho žonka Makienzi paviedamili, što pryjšli da pahadnieńnia nakont padziełu majomaści paśla razvodu. Jak vynikaje z paviedamleńnia ŭ tvitary, apublikavanaha žonkaj miljardera, paśla rastavańnia jana atrymaje bolš za 35 miljardaŭ dalaraŭ.
U ramkach dasiahnutaha pahadnieńnia Makienzi Biezas pahadziłasia sastupić mužu ŭsie akcyi haziety The Washington Post i aerakaśmičnaj kampanii Blue Origin. Za joj zastalisia čatyry pracenty akcyj Amazon (čverć sumiesnaj doli) — ich košt aceńvajecca ŭ 35,7 miljarda dalaraŭ, piša Bloomberg. 4 krasavika para padała chadajnictva pra razvod, aficyjnaje rašeńnie čakajecca ŭ pačatku lipienia, adznačaje Forbes.
Paśla razvodu Makienzi Biezas zojmie čaćviortaje miesca ŭ rejtynhu najbahaciejšych žančyn płaniety pa viersii Bloomberg.
Pa padlikach časopisa, jana apyniecca treciaj u rejtynhu, sastupajučy tolki spadčyńnicy kaśmietyčnaj kampanii L'Oreal Fransuaza Bietankur-Mejer (52,9 miljarda dalaraŭ) i dačce zasnavalnika Walmart Elis Uołtan (45 miljardaŭ dalaraŭ). Džef Biezas z 110 miljardami dalaraŭ paśla razvodu zachavaje status najbahaciejšaha čałavieka płaniety.
Raniej paviedamlałasia, što Makienzi Biezas moža atrymać i pałovu ŭsich hrošaj: kala 67 miljardaŭ dalaraŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary