Uładzimir Pucin hatovy vieści pieramovy z kiraŭnikom Ukrainy paśla vybaraŭ — za vyklučeńniem tych vypadkaŭ, kali hety dyjałoh «sprabujuć abkłaści pravakacyjami», zajaviŭ pres-sakratar prezidenta Rasii Dźmitryj Piaskoŭ, pieradaje RBK.
«U cełym Pucin zaŭsiody adkryty dla dyjałohu, za vyklučeńniem tych situacyjaj, kali hety dyjałoh sprabujuć abkłaści roznymi pravakacyjami, sprabujuć, skažam tak, upryhožyć dyviersijami», — skazaŭ Piaskoŭ žurnalistam.
U vypadkach kali prezidenta Rasii sprabavali spravakavać, jaho reakcyja «zaŭsiody była vyraznaja, niedvuchsensoŭnaja i rašučaja», nahadaŭ Piaskoŭ.
«Ale pry hetym prezident Pucin zaŭsiody byŭ i zastajecca prychilnikam dyjałohu dla vyrašeńnia tych prablem, jakija stajać na paradku dnia», — ukazaŭ pres-sakratar prezidenta.
Raniej ab svajoj hatoŭnaści vieści pieramovy z Pucinym ab spynieńni vajny ŭ Danbasie zajaviŭ lidar pieradvybarčaj honki va Ukrainie Uładzimir Zialenski. «Vajna z Rasijaj, tamu treba havaryć z Rasijaj u prysutnaści zachodnich pradstaŭnikoŭ», — skazaŭ jon.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami12
Kamientary