U Polščy dzieci i moładź da 18 hadoŭ zmohuć atrymlivać $130 u miesiac
Polski ŭrad pryniaŭ papraŭki ŭ zakanadaŭstva, jakija praduhledžvajuć vypłatu 500 złotych (kala $130) na pieršaje dzicia.
Zajaŭki na datacyi možna padavać ź lipienia ŭ elektronnym vyhladzie.
Polski ŭrad pašyryŭ prahramu padtrymki siamji 500+. Dadzienaja prahrama była ŭviedzienaja ŭ 2016 hodzie i palahała na vypłacie 500 złotych na druhoje i nastupnaje dzicia. Na pieršaje dzicia datacyja vypłačvałasia pry ŭmovie, što dachody ŭ siamji nie pieravyšali 800 złotych na čałavieka.
Prezentacyja pašyranaj prahramy adbyłasia ŭ siadzibie Varšaŭskaj fondavaj biržy. Premjer-ministar Matevuš Maraviecki zaznačyŭ, što prahrama 500+ była ŭviedziena dziela doŭhaterminovaha raźvićcia Polščy. Jana pavinna pavialičyć naradžalnaść, što ŭ doŭhaterminovaj perspektyvie budzie spryjać ekanamičnamu rostu.
Pavodle paviedamleńnia ŭrada, prajekt praduhledžvaje, što prava na siamiejnuju dapamohu ŭ pamiery 500 złotych buduć mieć usie dzieci i padletki va ŭzroście da 18 hadoŭ, niezaležna ad dachodu siamji.
Polski premjer-ministar padkreśliŭ, što prahrama 500+ palepšyć demahrafičnuju sytuacyju ŭ krainie ŭ perspektyvie 15-20 hadoŭ. Dziakujučy pašyreńniu prahramy značna vyrastuć vydatki na siamju ŭ Polščy, dasiahajučy 3,5-4% VUP.
Ciapierašniaj siamiejnaj palitykaj zadavolenyja 60% palakaŭ, niekalki hadoŭ tamu takich było tolki 13%. Da hetaha času prahramaj skarystalisia 53% dziaciej va ŭzroście da 18 hadoŭ. Ciapier datacyi atrymajuć 6 miljonaŭ 800 tysiač dziaciej.
Kamientary