Staršyniu Sajuza palakaŭ vyzvalili ad adkaznaści za arhanizacyju kirmašu na Kaziuki. Spravu spynili
Staršyniu niepryznanaha dziaržavaj Sajuza palakaŭ Biełarusi (SPB) Anžaliku Borys vyzvalili ad adkaznaści za arhanizacyju tradycyjnaha kirmašu, piša Radyjo Svaboda.
Sud Leninskaha rajona Hrodna 23 krasavika spyniŭ administracyjnuju spravu suprać A. Borys.
Spravu razhladała sudździa Alena Piatrova. U jakaści śviedkaŭ vystupili milicyjanty. Pavodle sudździ, Borys parušyła paradak arhanizacyi masavych mierapryjemstvaŭ (č. 2 art. 22.34 KaAP Biełarusi).
Anžalika Borys nie pryznała svajoj viny, bo ładziła kirmaš zhodna sa statutam SPB.
Kirmaš pravodziŭsia ŭ Hrodnie va ŭnutranym dvoryku pobač z polskim kansulatam 3 sakavika. Jak patłumačyła Anžalika Borys, hetuju terytoryju SPB aranduje.
U sudzie lidarka nieaficyjnaha SPB nazvała praces kamiedyjaj i zajaviła, što jon palityzavany. Za im, pavodle jaje mierkavańnia, staić KDB.
«Heta ŭdar pa polskaj mienšaści ŭ Biełarusi, pa polskaj kultury», — adznačyła Borys.
Pa słovach Borys, jana praciahnie zajmacca papularyzacyjaj polskaj movy i kultury. «Toje, čym ja zajmałasia, budu zajmacca dalej, chočacie — sudzicie, chočacie sadžajcie», — skazała kiraŭnica niepryznanaha ŭładami Sajuza palakaŭ.
Padtrymać Borys u sudzie pryjšli kala sta čałaviek, siarod ich palityk Alaksandr Milinkievič, žurnalist Andžej Pačobut, eks-staršynia SPB Tadevuš Havin. Usie prysutnyja nie źmiaścilisia ŭ zali.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary