«Bielinviestbank» admianiŭ pryniataje raniej rašeńnie ŭvieści limity na źniaćcie hatoŭki z kartki, paviedamlaje BiełTA.
«Umovy absłuhoŭvańnia nie źmianilisia. Rašeńnie admieniena», — adznačyli śpiecyjalisty banka.
Jak paviedamlałasia, novyja padychody pieršapačatkova pavinny byli ŭstupić u siłu z 2 maja. Mierkavałasia, što maksimalnaja suma dla źniaćcia hatoŭki ŭ bankamatach banka i partnioraŭ biez kamisii budzie składać 500 rubloŭ u sutki. Kali kartka ŭ dalarach, jeŭra abo rasijskich rublach, to heta $200, 200 jeŭra abo 15 tysiač rasijskich rubloŭ.
Usiaho ŭ miesiac u ramkach biaspłatnaj sumy prapanoŭvałasia źniać 1500 rubloŭ, $600, 600 jeŭra, 45 tysiač rasijskich rubloŭ. Akramia taho, płanavałasia, što trymalniki kartak Bielinviestbanka zmohuć biaspłatna try razy na praciahu miesiaca prahladać bałans u bankamatach i infakijoskach lubych bankaŭ.
Paźniej bank pryniaŭ rašeńnie pavialičyć limity na źniaćcie hatoŭki.
Hetyja praviły pavinny byli ŭstupić u siłu z 13 maja.
U vyniku bank vyrašyŭ admovicca ad uviadzieńnia limitaŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary