Piaciorka favarytaŭ sychodzić u adryŭ, a «Homiel» i «Tarpieda» praciahvajuć prajhravać. Što nas čakaje ŭ nastupnym tury vyšejšaj lihi
Razam z Bukmiekierskaj kantoraj Marafon my praciahvajem sačyć za čempijanatam Biełarusi. Ź sierady pa subotu projduć matčy dziaviataha tura, a ŭ niadzielu adbudziecca finał Kubka Biełarusi.
Paśla matčaŭ papiaredniaha tura na viaršyni tablicy aformiłasia piaciorka kamand, jakija pačali adryvacca ad usich astatnich. Kali prysutnaść u hetym śpisie bresckaha «Dynama», BATE i «Šachciora» ni ŭ koha nie vyklikaje ździŭleńnia, jak i piaty radok «Tarpieda-BiełAZ», to voś bačyć u topie «Isłač» krychu niazvykła.
U prahnozach da vośmaha tura my pieraacanali «Viciebsk» i minskaje «Dynama». Paŭnočnaja kamanda patrapiła pad žorny «Isłačy», a «dynamaŭcy» — pad daminantny futboł «Šachciora». Vynik abodvuch matčaŭ — pieramoha haspadaroŭ ź likam 3:0.
«Enierhietyk-BDU» na paru z «Minskam» vydali čarhovy viasioły matč. «Haradžanie» znoŭ zdoleli zabić trojčy i znoŭ adhulalisia ŭ samym kancy sustrečy. 3:3 — paśla pieršych «suchich» turaŭ «Minsk» prapuskaje katastrafična šmat.
Ciapier da padziej dziaviataha tura.
«Viciebsk» — «Enierhietyk-BDU»
- 22.05, 18:45. CSK «Viciebski»
- Kaeficyjenty: «Viciebsk» (pieramoha) — 1.81; ničyja — 3.52; «Enierhietyk» (pieramoha) — 4.30
Finalisty kubka pravodziać svaje matčy ŭ sieradu. Tak, «Viciebsk» prymaje na svaim poli minskich «studentaŭ».
Jak tolki ŭ viciebčukoŭ pačało ŭ čempijanacie niešta atrymlivacca, zdarylisia 0:3 ad «Isłačy». Kab nie psavać sabie nastroj pierad chatnim finałam, treba pieramahać «Enierhietyk».
Prahnoz «NN»: totał bolšy za 2.5.
«Tarpieda-BiełAZ» — «Šachcior»
- 22.05, 20:45. Žodzina, stadyjon «Tarpieda»
- Kaeficyjenty: «Tarpieda» (pieramoha) — 3.88; ničyja — 3.15; «Šachcior» (pieramoha) — 2.02
A voś u «Šachciora» pieradfinalny ispyt kudy ciažejšy — vyjezd u Žodzina. «Tarpieda» ŭ subotu vydała tryler na paru z «Homielem» i ŭ dadadzieny arbitram čas zdabyła valavuju pieramohu.
Nie vyklučana, što Siarhiej Tašujeŭ skarystajecca vialikimi kadravymi mahčymaściami svajoj kamandy, kab źbierahčy lidaraŭ pierad finałam kubka. Ci zmohuć hetym skarystacca hulcy «Tarpieda»?
Prahnoz «NN»: «Tarpieda» nie sastupić.
«Dynama-Minsk» — «Isłač»
- 24.05, 17:00. Minsk, stadyjon «Traktar»
Dziva dziŭnaje: kali heta ŭ hulni «Dynama» i «Isłačy» favarytami źjaŭlalisia nie «dynamaŭcy»?! U hetym siezonie ŭsio pieraviarnułasia z noh na hałavu.
Absalutna nie vyklučajem taho, što dobra arhanizavanaja kamanda Vitala Žukoŭskaha zmoža pieramahčy ŭ niezrazumiełaha «Dynama».
Prahnoz «NN»: «Isłač» nie sastupić.
BATE — «Słuck»
- 24.05, 18:45. «Barysaŭ-Arena»
«Słuck» kaliści byŭ pieršaj kamandaj, jakuju BATE pryniaŭ na svaim novym stadyjonie. Taja hulnia skončyłasia ź likam 3:0, i z toj pary «Słuck» dla barysaŭcaŭ — davoli kamfortny hość. Mienš za try miačy haspadary słuččakam jašče nie zabivali.
Prahnoz «NN»: pieramoha BATE.
«Dniapro» — «Homiel»
- 24.05, 20:45. Mahiloŭ, stadyjon «Spartak»
- Kaeficyjenty: «Dniapro» (pieramoha) — 2.52; ničyja — 3.14; «Homiel» (pieramoha) — 2.82
U «Homiela» vialikija prablemy z abaronaj. Kamanda spraŭna zabivaje miačy, ale pastajanna prajhraje.
«Dniapro» z apošnich piaci matčaŭ prajhraŭ tolki adzin, a ŭ minułym tury moh pieramahčy ŭ Słucku, ale nie zmoh utrymać pieramožny lik.
Prahnoz «NN»: totał bolšy za 2.5.
«Minsk» — «Haradzieja»
- 25.05, 16:15. Stadyjon FK «Minsk»
U minułuju piatnicu ŭ Haradziei prachodziŭ cukrovy fiestyval, častkaj jakoha byŭ futbolny matč miascovaj kamandy suprać «Słavii». Haradziejcy zdabyli druhuju pieramohu ŭ siezonie, čym paradavali svaich zaŭziataraŭ.
«Minsk» usio nijak nie moža paradavać svaich niešmatlikich zaŭziataraŭ, zastajučysia adzinaj kamandaj bieź pieramoh. Niahledziačy navat na toje, što ŭ apošnich dvuch matčach kamanda zabiła 6 miačoŭ.
Prahnoz «NN»: totał mienšy za 2.5.
«Słavija» — «Tarpieda-Minsk»
- 25.05, 18:15. Mazyr, stadyjon «Junactva»
Minskaje «Tarpieda» na paru z «Homielem» na siońnia dzielać niezajzdrosny status najhoršaj kamandy čempijanatu. Šeść turaŭ bieź pieramoh, piać paraz zapar.
«Słaviju» možna nazvać kamandaj-niespadziavankaj. Palešuki pakazvajuć davoli jakasny futboł i spraviadliva znachodziacca ŭ siaredzinie tablicy. Tamu favaryt vidavočny.
Prahnoz «NN»: «Słavija» pieramoža.
«Dynama-Brest» — «Nioman»
- 25.05, 20:45. DASK «Brescki»
Sioleta mižsiezońnie prajšło pad znakam sudoŭ za Paŭła Savickaha pamiž bresckim «Dynama» i «Niomanam». U vyniku bieraściejcy byli vymušanyja pahadzicca na ŭmovy haradziencaŭ.
Matčy pamiž zachodnimi kamandami i tak nosiać davoli pryncypovy charaktar, a ciapier hradus supraćstajańnia musić stać jašče vyšejšym.
Prahnoz «NN»: totał bolšy za 2.5.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
Kamientary