Va Ukrainie dali pažyćciovaje pałkoŭniku SBU, jaki byŭ ahientam FSB
Dźmitryj Kaziura byŭ kiraŭnikom štaba Antyterarystyčnaha centra SBU.
Raskryty ŭ lutym 2025 hoda ŭ supracoŭnictvie z FSB były kiraŭnik štaba Antyterarystyčnaha centra SBU pałkoŭnik Dźmitryj Kaziura pryhavorany da pažyćciovaha pazbaŭleńnia voli za pieradaču sakretnych źviestak rasijskim śpiecsłužbam, piša «Ukrainskaja praŭda».
Jaho zavierbavała FSB u sakaviku 2018 hoda ŭ Vienie. Za hrašovaje ŭznaharodžańnie jon abaviazaŭsia źbirać i pieradavać rasijskim śpiecsłužbam abaronnuju infarmacyju, u tym liku dadzienyja, što składajuć dziaržaŭnuju tajamnicu».
Pavodle danych śledstva, z taho času Kaziura znachodziŭsia na pastajannaj suviazi sa svaimi rasijskimi kuratarami. Dla kanśpiracyi jon vychodziŭ na suviaź z pradstaŭnikami rasijskich śpiecsłužb praz pasiarednika. Šyfrahramy padpisvaŭ asabista.
Aktyŭnaja dziejnaść «krata» pačałasia ŭ pieryjad poŭnamaštabnaha ŭvarvańnia. U jaho abaviazki ŭvachodziła špijonstva za kamandnymi punktami SBU i pieradača danych pra ataki na biźnies-centry, a taksama pra kolkaść paranienych vajskoŭcaŭ i hramadzianskich asob.
Z 2024 pa 2025 hod jon sistematyčna pieradavaŭ infarmacyju pra nastupstvy rakietnych udaraŭ pa abjektach u Kijevie, miescy dysłakacyi padraździaleńniaŭ SBU, danyja pra vajskovyja častki, słužbovyja dakumienty i analityčnyja materyjały.
Taksama jon pieradavaŭ dakumienty z hryfam «sakretna» pra abjekty krytyčnaj infrastruktury, u pryvatnaści hazatranspartnaj sistemy, i płany ŭzmacnieńnia SPA na hetych abjektach.
U lutym 2025 hoda zdradnika vykryli ŭ vyniku biesprecedentnaj śpiecapieracyi pad kodavaj nazvaj «Ščur», adznačajuć u SBU. U svaich pakazańniach jon pryznaŭ, što pracavaŭ na FSB RF za hrašovaje ŭznaharodžańnie.
Pavodle materyjałaŭ Słužby biaśpieki Ukrainy, sud pryznaŭ jaho vinavatym pa č. 2 art. 111 i č. 1 art. 263 Kryminalnaha kodeksa Ukrainy (dziaržaŭnaja zdrada, ździejśnienaja va ŭmovach vajennaha stanovišča, a taksama niezakonnaje abaračeńnie zbroi, bojeprypasaŭ abo vybuchovych rečyvaŭ).
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3636
Kamientary
Chaj hnije na pz
Słava SBU 👍💪👏👏👏👏👏......
[Zredahavana]