U minskim skviery pa vulicy Prytyckaha, 60/2, kala hałoŭnaha ofisa Biełhazprambanka ŭstalavali skulpturu ŭradženca Viciebska Vosipa Cadkina «Nośbit daroŭ» (inšyja nazvy: «Pasłaniec», «Navihatar»). Skulptura pakul što zakrytaja ad publiki, jaje aficyjnaje adkryćcio adbudziecca 6 červienia ŭ 17.30.
«Navihatar» — manumientalnaja skulptura Vosipa Cadkina. Pieršapačatkova stvorana z dreva ŭ 1937 hodzie. U centry kampazicyi čałaviek, u rukach jakoha karabiel — heta adzin z hałoŭnych simvałaŭ tvora, adsyłka da radzimy aŭtara, da familnaj spravy jaho siamji — sudnabudavańnia. U 1993 hodzie hetaja ž statuja, ale ŭžo adlitaja ŭ bronzie, była ŭstalavana ŭ 7-j akruzie Paryža kala vychadu z Mosta invalidaŭ. Biełhazprambank nabyŭ adzin z asobnikaŭ «Navihatara» na ńju-jorkskich tarhach aŭkcyjonnaha doma «Christie's», kab ustalavać jaho kala budynka svajho hałaŭnoha ofisa.
Vosip Cadkin naradziŭsia 28 studzienia (9 lutaha) 1888 hoda ŭ Viciebsku. U 1905-m rodnyja adpravili jaho da svajakoŭ na poŭnač Anhlii. U 1905-1909 hadach žyŭ u Łondanie, paśla pierajechaŭ u Paryž, dzie pamior u 1967 hodzie.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary