Staršynia Bresckaha abłvykankama Anatol Lis siońnia padpisaŭ rasparadžeńnie ab prypynieńni budaŭnictva akumulatarnaha zavoda, paviedamlaje sajt abłvykankama.
«Prypynić budaŭnictva abjekta «Akumulatarny zavod TAA «AjPauer» z ułasnaj kacielniaj na pryrodnym hazie pa adrasie: Brescki rajon SEZ «Brest» rajon «Aeraporta» 1-y puskavy kompleks» da likvidacyi vyjaŭlenych parušeńniaŭ», — havorycca ŭ pastanovie.
Pratesty suprać budaŭnictva i pracy zavoda na ŭschod ad Bresta doŭžylisia ŭ horadzie 16 miesiacaŭ: ad lutaha 2018 hoda. Bolš za sotniu čałaviek źbiralisia štoniadzielu ŭ centra Bresta na h.zv. akcyju «karmleńnie hałuboŭ». Niekalki razoŭ jany prachodzili vulicami horada, skandzirujučy łozunhi. Aktyvistaŭ zatrymlivali, im karali štrafami.
U niadzielu spačatku z aktyvistami sustrełasia kiraŭnictva horada, a 12 červienia pravioŭ sustreču Anatol Lis. Razmova praciahvałasia try hadziny i skončyłasia abiacańniem uładaŭ pravieryć usie fakty parušeńniaŭ i na praciahu nastupnaha tydnia pryniać rašeńnie ab spynieńni ŭvodu ŭ ekspłuatacyju zavoda. Niekalki dniami raniej praca pryjomnaj kamisii była padoŭžana da 21 červienia.
Čytajcie taksama:
Na zavodzie AKB pad Brestam — pieravyšeńnie škodnych vykidaŭ. Raspačaty administracyjny praces
Ułady Bresta pajšli na dyjałoh z pratestoŭcami suprać akumulatarnaha zavoda i dapuskajuć jaho zakryćcio
Kiraŭnik Bieraściejščyny dapuściŭ, što akumulatarny zavod, suprać jakoha pratestujuć žychary, zakryjuć
