Rada biaśpieki Rasii: NATA rychtuje «kalarovyja revalucyi» ŭ šerahu krain ADKB
NATA rychtuje «kalarovyja revalucyi» ŭ niekatorych krainach ADKB. Pra heta ŭ intervju «Rośsijskoj hazietie» zajaviŭ namieśnik sakratara Rady biaśpieki Rasii Rašyd Nurhalijeŭ.
«Dla nas nie sakret, što nataŭcy rychtujuć umovy dla pryviadzieńnia da ŭłady ŭ asobnych krainach ADKB padkantrolnyja Zachadu režymy, u tym liku praz pravakavańnie «kalarovych revalucyj», — zajaviŭ Nurhalijeŭ.
Jak adznačyŭ Nurhalijeŭ, «supracoŭnictva z NATA trecich krain zaŭsiody maje antyrasijski składnik».
«Heta šmat razoŭ paćviardžała praktyka. U dačynieńni da partnioraŭ pa ADKB meta błoka — pasiejać razład z našymi sajuźnikami pa arhanizacyi», — upeŭnieny jon.
Pry hetym, jak adznačyŭ Nurhalijeŭ, ADKB stvoranaja nie dla pahroz kamu b tam ni było, a dla ŭzhodnienych dziejańniaŭ pa zabieśpiačeńni biaśpieki na asnovie admovy ad prymianieńnia siły.
U skład ADKB, nahadajem, uvachodziać Armienija, Biełaruś, Kazachstan, Kyrhyzstan, Rasija i Tadžykistan.
Kamientary