Рада бяспекі Расіі: НАТА рыхтуе «каляровыя рэвалюцыі» ў шэрагу краін АДКБ
НАТА рыхтуе «каляровыя рэвалюцыі» ў некаторых краінах АДКБ. Пра гэта ў інтэрв'ю «Российской газете» заявіў намеснік сакратара Рады бяспекі Расіі Рашыд Нургаліеў.
«Для нас не сакрэт, што натаўцы рыхтуюць умовы для прывядзення да ўлады ў асобных краінах АДКБ падкантрольныя Захаду рэжымы, у тым ліку праз правакаванне «каляровых рэвалюцый», — заявіў Нургаліеў.
Як адзначыў Нургаліеў, «супрацоўніцтва з НАТА трэціх краін заўсёды мае антырасійскі складнік».
«Гэта шмат разоў пацвярджала практыка. У дачыненні да партнёраў па АДКБ мэта блока — пасеяць разлад з нашымі саюзнікамі па арганізацыі», — упэўнены ён.
Пры гэтым, як адзначыў Нургаліеў, АДКБ створаная не для пагроз каму б там ні было, а для ўзгодненых дзеянняў па забеспячэнні бяспекі на аснове адмовы ад прымянення сілы.
У склад АДКБ, нагадаем, уваходзяць Арменія, Беларусь, Казахстан, Кыргызстан, Расія і Таджыкістан.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў23
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары