Pavyšeńnie taryfaŭ na pasłuhi ŽKH u Biełarusi budzie zaležać ad cen na enierhanośbity,zajaviŭ na pres‑kanfierencyi 29 studzienia pieršy namieśnik ministra žyllova‑kamunalnaj haspadarki Hienadź Lapunoŭ.
«Pakul hetaje pytańnie nie abmiarkoŭvajecca. Z 1 studzienia 2009 hoda taryfy na pasłuhi ŽKH pavyšany, a što budzie dalej — budziem zychodzić z koštu na enierhanośbity», — skazaŭ jon.
Pieršy namieśnik ministra taksama paćvierdziŭ infarmacyju ab tym,
što Mižnarodny valutny fond adnoj z umoŭ vydzialeńnia kredytu Biełarusi nazvaŭ skaračeńnie pierakryžavanaha sudbsidavańnia pry apłacie pasłuh ŽKH. «Jość taki punkt.I miery pa skaračeńni subsidavańnia prymajucca», — zaznačyŭ jon.
Pavodle jaho słoŭ, ciapier nasielnictva pakryvaje 29,8% koštu žyllova‑kamunalnych pasłuh. Płanujecca, što ŭ 2009 hodzie heta dola ŭzraście da 32%. U toj ža čas čynoŭnik zaznačyŭ, što pa pavieličeńni doli pakryćcia nasielnictvam apłaty pasłuh Biełaruś adstaje ad prahramy raźvićcia ŽKH. Zhodna z dakumientam, u 2010 hodzie nasielnictva pavinna pakryvać 80% koštu žyllova‑kamunalnych pasłuh.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary