Na miažy ź Biełaruśsiu raźviarnuli 36 nielehalnych mihrantaŭ — heta rekord cioleta
Na miažy Litvy ź Biełaruśsiu za minułyja sutki byli raźviernuty 36 mihrantaŭ, jakija sprabavali niezakonna pierasiekčy miažu, piša LRT.
Heta najbolšaja kolkaść mihrantaŭ u hetym hodzie, jakich raźviarnuli na miažy. Da hetaha maksimum byŭ zafiksavany 2 krasavika, kali ŭ Litvu sprabavali niezakonna patrapić 35 čałaviek ź Biełarusi.
Łatvijskija pamiežniki ŭ subotu raźviarnuli 56 nielehalnych mihrantaŭ, a polskija słužby ŭ piatnicu takich vypadkaŭ nie zafiksavali.
Usiaho z pačatku hoda ŭ Litvu nie puścili 386 nielehalnych mihrantaŭ. Letaś było zafiksavana bolš za 1,6 tysiačy sprob niezakonnaha pierasiačeńnia miažy ź Biełarusi, a ŭ pazaminułym hodzie — 1002.
Usiaho z pačatku mihracyjnaha kryzisu, spravakavanaha Biełaruśsiu, litoŭskija pamiežniki nie dazvolili niezakonna ŭjechać u krainu amal 25 tysiačam inšaziemcaŭ.
Napłyŭ mihrantaŭ va ŭschodnija krainy ES z boku Biełarusi pačaŭsia ŭ 2021 hodzie, pry hetym Zachad abvinavačvaje režym u Minsku ŭ jaho arhanizacyi.
Spynieńnie mihracyjnaj płyni litoŭskimi ŭładami nazyvajecca adnoj z umoŭ pačatku pieramoŭ ź biełaruskim režymam.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary