U Viciebsku znoŭ viarnulisia da idei pieranosu haradskoha zaaparka na ŭskrainu horada. Zaraz jon znachodzicca ŭ centry — u piešachodnaj zonie ŭ rajonie vulic Suvorava i Janki Kupały, — ale ŭłady ličać takoje raźmiaščeńnie nie samym zručnym, piša vydańnie «Vitiebskije viesti».
Płanujecca, što zaapark pieraniasuć u mikrarajon Bileva. Hetaja ideja abmiarkoŭvałasia i raniej, ale doŭhi čas nie realizoŭvałasia. Ciapier prajekt vyrašyli adnavić, praŭda, u krychu źmienienym vyhladzie.
Na novym miescy zaapark zrobiać bolš kampaktnym — prykładna na 2—2,5 hiektara. Tam płanujuć stvaryć bolš sučasnyja i kamfortnyja ŭmovy dla žyvioł, a taksama zručnuju infrastrukturu dla naviedvalnikaŭ. Akramia valjeraŭ, mohuć źjavicca atrakcyjony i zony charčavańnia.
Pakul što havorka idzie tolki pra padrychtoŭku prajektnaj dakumientacyi — kankretnyja terminy budaŭnictva nie nazvanyja.
U svaju čarhu, zialonuju zonu ŭ centry horada, dzie znachodzicca zaapark ciapier, płanujuć pieraŭtvaryć u zvyčajny park.
Sam Viciebski zaapark isnuje z 1992 hoda. U im utrymlivajucca bolš za 70 vidaŭ žyvioł — sysuny, ptuški, reptylii i ryby. Častka žyvioł žyvie ŭ pamiaškańniach, astatnija — u adkrytych valjerach. Pieranos pavinien nie tolki źmianić miescaznachodžańnie, ale i abnavić umovy ŭtrymańnia i raźvićcio zaaparka ŭ cełym.
Kamientary