Kamitet dziaržaŭnaha kantrolu Biełarusi pravodzić pravierki tolki pa isnujučych faktach parušeńniaŭ.
Ab hetym paviedamiŭ siońnia ŭ čas dakłada prezidentu Biełarusi Alaksandru Łukašenku staršynia KDK Zianon Łomać.
Prezident prainfarmavany ab vynikach raboty Kamiteta dziaržkantrolu ŭ 2008 hodzie. Asnoŭnaja ŭvaha była źviernuta na kompleksnyja pravierki, jakija dajuć mahčymaść vyjavić značnyja parušeńni zakanadaŭstva. Pry hetym KDK u 2008 hodzie skaraciŭ kolkaść kantrolnych mierapryjemstvaŭ.
Było taksama adznačana, što ciapier pravierki pravodziacca ŭ strohaj adpaviednaści z ukazam numar 689 «Ab niekatorych mierach pa ŭdaskanaleńniu kantrolnaj i nahladnaj dziejnaści» ad 19 śniežnia 2008 hoda. Tak, u studzieni 2009 hodu byli vypisany 174 pradpisańni na praviadzieńnie pravieračnych mierapryjemstvaŭ suprać 758 za taki ž pieryjad minułaha hoda.
Prezident paćvierdziŭ patrabavańnie praviarać tolki fakty parušeńniaŭ pa isnujučaj apieratyŭnaj infarmacyi.
Značnaja rabota ŭ pačatku hetaha hoda praviedziena pa spynieńniu niezakonnych valutna‑abmiennych apieracyj. Departamientam finansavych rasśledavańniaŭ KDK zatrymana 39 asob, jakija ažyćciaŭlali niezakonnuju kuplu‑prodaž valuty.
Kiraŭnik dziaržavy prainfarmavany ab vynikach pravierki rekanstrukcyi, restaŭracyi, adnaŭleńnia i dobraŭparadkavańnia histaryčnaha centra Minska, jakija pavinny vieścisia ŭ adpaviednaści z kompleksnaj prahramaj. Vyjaŭleny šerah parušeńniaŭ, źviazanych ź dziejnaściu inviestaraŭ.
Staršynia KDK painfarmavaŭ ab nieracyjanalnym vykarystańni unikalnych pryrodnych terytoryj i azdaraŭlenčych abjektaŭ na ich u Minskim rajonie. U lutym 2007 hoda prezident daŭ daručeńnie navieści paradak na hetych terytoryjach i zabiaśpiečyć ich racyjanalnaje vykarystańnie. Adnak, jak pakazali pravierki, situacyja nie źmianiłasia.
Terytoryi i pamiaškańni zabrudžany śmiećciem i bytavymi adchodami, abstalavańnie pryviedziena ŭ niepryhodnaść, majomaść razrabavana. Mierapryjemstvy, praduhledžanyja Minskimi abłasnym i haradskim vykankamami na 2007‑2008 hady pa vypraŭleńniu situacyi, nie vykanany.Ciapier budynki i zbudavańni nie byłych abjektaŭ azdaraŭlenčaha pryznačeńnia (bazy adpačynku, azdaraŭlenčyja łahiery) na terytoryi Minskaha rajona nie zakansiervavany.
Abłasnymi i rajonnymi kantralujučymi orhanami, Dziaržkammajomaści, Minpryrody i Ministerstvam achovy zdaroŭja nie prymajucca dziejsnyja miery dla taho, kab ułaśniki hetych abjektaŭ naviali paradak. Miascovyja ŭłady samaŭchililisia ad vyrašeńnia prablemy racyjanalnaha vykarystańnia unikalnych terytoryj u navakolli stalicy. U bližejšy čas KDK budzie detalova raźbiracca z hetymi faktami nievykanańnia daručeńniaŭ Prezidenta.
Razhledžany taksama inšyja pytańni, źviazanyja ź dziejnaściu Kamiteta dziaržkantrolu. U pryvatnaści, Alaksandr Łukašenka daručyŭ u druhim paŭhodździ stvaryć adpaviednuju kamisiju i detalova razhledzieć vykanańnie dyrektyŭ numar 1, 2, 3. U pieršuju čarhu — Dyrektyvy numar 3 ab ekanomii i bieražlivaści. Zianon Łomać padkreśliŭ, što buduć zasłuchoŭvacca słužbovyja asoby dziaržorhanaŭ kiravańnia, jakim prezident piersanalna daručyŭ zabiaśpiečyć realizacyju hetych dakumientaŭ.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ21
Kamientary