U Breście zabrali ŭ prytułak 4-hadovaha Dekstera, jaki 14 hadzin pravioŭ z maci ŭ začynienym aŭtamabili
26 lipienia orhany apieki vyrašyli zabrać u prytułak 4-hadovaha Dekstera, ź jakim začyniłasia na 14 hadzin ŭ mašynie jaho maci. Pra heta 27 lipienia paviedamiŭ TUT.BY baćka dziciaci.
U prytułku chłopčyk budzie znachodzicca da suda ab skasavańni šlubu, jaki pryznačany na 6 žniŭnia. Takoje rašeńnie pryniali orhany apieki administracyi Maskoŭskaha rajona Bresta.
Nahadajem, kala 20.00 25 lipienia bieraściejec Uład hulaŭ sa svaim 4-hadovym synam Deksteram. Maci dziciaci Alena padjechała na mašynie z rasijskimi numarami i pasadziła chłopčyka ŭ sałon.
Tata dziciaci sprabavaŭ spynić mašynu. Znajomy Aleny, jaki byŭ za rulom, raspyliŭ piarcovy bałončyk u tvar Uładu. Vyklikali milicyju i DAI, byŭ składzieny pratakoł.
Kala aŭtamabila zastalisia dziažuryć svajaki, jany byli nie suprać, kab mama źjechała, ale biez małoha.
U vyniku žančyna ź dziciem znachodziłasia ŭ mašynie bolš za 14 hadzin.
Paśla pieramovaŭ, jakija praciahvalisia da paŭdnia 26 lipienia, u mašynu sieŭ Vital Ščerba, načalnik adździeła adukacyi Maskoŭskaha rajona Bresta. U supravadžeńni baćki i supracoŭnikaŭ apieki aŭto vyjechała z dvara ŭ administracyju rajona, dzie i vyrašyłasia pytańnie ab tym, jak być ź dziciem da rašeńnia suda.
Staličnaja fatohrafka sprabavała zabrać syna ŭ byłoha muža ŭ Breście i zakryłasia ŭ mašynie z małym na 14 hadzin
Tranślacyju ź miesca padziej viali bresckija błohiery Siarhiej Piatruchin i Alaksandr Kabanaŭ.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary