U redakcyi telekanała «Doždž» i studyju «Navalny LIVE» u Maskvie pryjšli palicejskija
U redakcyju telekanała «Doždž» u Maskvie pryjšła palicyja. Taksama supracoŭniki pravaachoŭnych orhanaŭ pryjšli ŭ studyju «Navalny LIVE».
Dziejańni palicyi adbyvajucca na fonie niesankcyjanavanaj akcyi ŭ centry Maskvy, jakuju aśviatlajuć hetyja kanały.
U redakcyi telekanała «Doždž» palicejskija ŭručyli hałoŭnamu redaktaru Alaksandry Pierapiełavaj pozvu jak śviedcy pa kryminalnaj spravie, paviedamiła jana RBK.
Hienieralny dyrektar «Daždžu» Natalla Sindziejeva paviedamiła pra toje, što Pierapiełavaj ŭručyli pozvu, pa jakoj jana 27 lipienia pavinna javicca ŭ Śledčy kamitet u jakaści śviedki pa spravie. «Supracoŭniki Rashvardyi ničoha nie kazali. Ale zrazumieła, što ŭsio heta źviazana z toj situacyjaj, jakaja skłałasia ciapier u Maskvie z maskoŭskimi vybarami», — skazała jana.
Usiaho, jak adznačyła Pierapiełava, było 6-7 čałaviek. Na pytańnie, navošta patrebna stolki palicejskich, kab pieradać pozvu, jany adkazali, što im nieabchodna zafiksavać fakt pieradačy dakumienta.
Siońnia ž palicyja prychodziła ŭ studyju YouTube-kanała «Navalny LIVE» z patrabavańniem spynić efir, u jakim aśviatlaŭsia niesankcyjanavany mitynh u padtrymku niezaležnyja kandydataŭ u Mashardumu. Efir byŭ pierapynieny, ale paźniej tranślacija adnaviłasia.
Naši kadry s koptiera v okriestnostiach Tvierskoj ulicy — priamo siejčas v efirie, kotoryj budiet prodołžaťsia niesmotria na protivodiejstvije policii: https://t.co/N7VrmwLpmR #dopuskaj
Policija zadierživajet i razdielajet ludiej, no narodu vsie ravno očień mnoho! pic.twitter.com/obsUdDgaFc
Redakcyja «Navalnyj LIVE» zajaviła ab zatrymańni niekalkich supracoŭnikaŭ, a taksama paviedamiła, što pačalisia pieratrusy.
Vidieo, kak policija vryvałaś v studiju @navalnylive, otkuda viełaś priamaja tranślacija akcii na Tvierskoj. pic.twitter.com/4Wbh0sP8cK
Niesankcyjanavany mitynh u centry Maskvy ŭ padtrymku niezaležnych kandydataŭ u Mashardumu pačaŭsia a 14-j kala meryi. Pavodle apošnich źviestak «AUS-Infa», supracoŭniki pravaachoŭnych orhanaŭ zatrymali 583 čałavieki. MUS paviedamiła pra 295 zatrymanych.
Iznoŭ chapun u Maskvie: 500 zatrymanych na mitynhu «Dapuskaj» z patrabavańniem rehistracyi apazicyjnych kandydataŭ
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary